وتىرىسقا ارمەنيا, بەلارۋس, قازاقستان, قىرعىزستان, رەسەي ۇكىمەتتەرىنىڭ باسشىلارى جانە ەۋرازيالىق ەكونوميكالىق كوميسسيا القاسىنىڭ توراعاسى قاتىسادى. ءىس-شاراعا سونداي-اق ەۋرازيالىق ەكونوميالىق كوميسسيانىڭ جانىنداعى بايقاۋشى مەملەكەتتەردىڭ وكىلدەرى, تمد باس حاتشىسى جانە ەۋرازيالىق دامۋ بانكى مەن ەۋرازيالىق تۇراقتاندىرۋ جانە دامۋ قورىنىڭ باسشىلارى شاقىرىلدى.
وتىرىستىڭ كۇن ءتارتىبى ساۋدا-ەكونوميكالىق ىنتىماقتاستىق, تەحنيكالىق رەتتەۋ, ەاەو ينتەگراتسيالانعان اقپاراتتىق جۇيەسى جانە باسقا دا وزەكتى تاقىرىپتاردىڭ كەڭ سپەكترىن قامتيدى.
ءىس-شارا بارىسىندا ۇكىمەت باسشىلارى ۆاليۋتالىق قۇقىقتىق قاتىناستاردى رەتتەۋ جانە جەڭىلدەتۋ شارالارىن قابىلداۋعا كەلىسىلگەن تاسىلدەر تۋرالى كەلىسىمگە قول قويادى دەپ جوسپارلانعان.
3 اقپاندا ەاەو ەلدەرىنىڭ پرەمەر-مينيسترلەرى جىل سايىنعى «Digital Almaty» فورۋمىنىڭ پلەنارلىق سەسسياسىنا قاتىسادى. ءداستۇرلى تۇردە فورۋم جۇمىسىنا كورنەكتى ساياسي جانە قوعام قايراتكەرلەرى, ءىرى ديدجيتال كومپانيالاردىڭ باسشىلارى, IT بيزنەس كوشباسشىلارى جانە تسيفرلىق سالا ساراپشىلارى قاتىسادى.
بيىل اتالعان ءىس-شارا اياسىندا «Digital Almaty Awards» ماراپاتتاۋ راسىمىمەن تاقىرىپتىق جوبالاردىڭ حالىقارالىق كورمەسى وتەدى.
