ادىلەت مينيسترلىگى Digital Justice جوبالار جيىنتىعى شەڭبەرىندە جاڭا قىزمەتتى ىسكە قوستى. ەندى ەل ازاماتتارى ءموبيلدى قوسىمشا ارقىلى جشس تەز ارادا تىركەۋگە مۇمكىندىك الدى. بۇل جايىندا ادىلەت مينيسترلىگىنىڭ رەسمي وكىلى تالعات ءۋالي حابارلادى.
ول ءۇشىن Bereke Bank-ءتىڭ B-Business موبيلدىك قوسىمشاسىن جۇكتەپ الىپ, بيومەتريا كومەگىمەن اۆتوريزاتسيالاۋ جانە «جشس تىركەۋ» قىزمەتىن تاڭداۋ قاجەت. قىزمەت قازاقستان رەزيدەنتىنەن تۇراتىن جالعىز قاتىسۋشىسى بار جشس ءۇشىن قولجەتىمدى.
ءارى قاراي زاڭدى تۇلعانىڭ اتاۋىن, قۇرىلتايشىنىڭ اتى-ءجونىن, بەنەفيتسيارلىق مەنشىك يەسى تۋرالى مالىمەتتەرىن, سالىم سوماسىن, جشس قۇرۋ تۋرالى شەشىمنىڭ دەرەكتەمەلەرىن, جىلجىمايتىن م ۇلىك تۋرالى دەرەكتەردى, قىزمەت ءتۇرىن جانە ت. ب. اقپاراتتار كورسەتەدى.
بارلىق قاجەتتى جولاقتاردى تولتىرعاننان كەيىن تۇتىنۋشى وتىنىشكە قول قويادى جانە كاسىپكەرلىك قىزمەتتىڭ باستالعانى تۋرالى بىردەن حابارلاما الادى. ول اۆتوماتتى تۇردە مەملەكەتتىك كىرىستەر جانە ستاتيستيكا ورگاندارىنا جىبەرىلەدى, سونداي-اق Bereke bank-تە شوت اشىلادى.
