ايمان يبراەۆا قوستاناي پەداگوگيكالىق ينستيتۋتىن «ورىس ءتىلى مەن ادەبيەتى مۇعالىمى» ماماندىعى بويىنشا بىتىرگەن.
ءبىلىم سالاسىندا مول تاجىريبەسى بار. ەڭبەك جولىن 1987 جىلى قوستاناي اۋدانى ۆلاديميروۆ مەكتەبىندە ورىس ءتىلى مەن ادەبيەتى ءپانىنىڭ مۇعالىمى بولىپ باستاعان. 15 جىل وبلىس, قالا مەكتەپتەرىندە مۇعالىم بولىپ جۇمىس ىستەگەن.
2002 جىلى قوستاناي وبلىسى اكىمدىگى ءبىلىم باسقارماسىنىڭ باس مامانى بولىپ جۇمىسقا كىرىسكەن.
2005 - 2011 جىلدارى قوستاناي وبلىسى اكىمدىگى ءبىلىم باسقارماسىنىڭ قۇرىلىس, ماتەريالدىق جانە اكىمشىلىك جۇمىس ءبولىمىن باسقاردى.
2011 جىلدان باستاپ قوستاناي وبلىسى بويىنشا بالالاردىڭ قۇقىقتارىن قورعاۋ دەپارتامەنتى ديرەكتورىنىڭ ورىنباسارى بولىپ جۇمىس ىستەدى.
2014-2019 جىلدار ارالىعىندا ءبىلىم باسقارماسىنىڭ اقپاراتتىق-ساراپتامالىق جۇمىس ءبولىمىنىڭ باسشىسى قىزمەتىن اتقارعان.
2019 جىلدىڭ ءساۋىر ايىندا قالا اكىمدىگىنىڭ ءبىلىم ءبولىمىن باسقاردى.
2020 جىلدىڭ قىركۇيەك ايىنان باستاپ قوستاناي وبلىسى اكىمدىگى ءبىلىم باسقارماسى باسشىسىنىڭ ورىنباسارى بولىپ كەلگەن.
