ايماقتار • 30 قاڭتار, 2023

جەتىسۋ وبلىسىندا فەرمەردەن زاڭسىز قارۋ مەن وق-دارىلەر تاركىلەندى

364 رەت
كورسەتىلدى
1 مين
وقۋ ءۇشىن

اقسۋ اۋدانىنىڭ 52 جاستاعى تۇرعىنى اتىس قارۋى مەن وق-دارىلەردى زاڭسىز ساقتاعانى ءۇشىن قىلمىستىق جاۋاپكەرشىلىككە تارتىلدى, دەپ حابارلايدى Egemen.kz Polisia.kz-كە سىلتەمە جاساپ.

جەتىسۋ وبلىسىندا فەرمەردەن زاڭسىز قارۋ مەن وق-دارىلەر تاركىلەندى

ۇلگىلى اۋىلىنىڭ ماڭىندا ورنالاسقان وعان تيەسىلى شارۋا قوجالىعىندا پوليتسيا قىزمەتكەرلەرى 2 اڭشىلىق مىلتىق, 1 ءيىر ويىقتى ۆينتوۆكا جانە ءارتۇرلى كاليبرلى 30-عا جۋىق پاترون تاپتى.

– ءىس بويىنشا تەرگەۋ امالدارى قر قك-ءنىڭ 287-بابى 3-بولىگى (قارۋدى, وق-دارىلەردى, جارىلعىش زاتتاردى جانە جارىلىس قۇرىلعىلارىن زاڭسىز يەمدەگۋ, بەرۋ, وتكىزۋ, ساقتاۋ, تاسىمالداۋ نەمەسە الىپ جۇرۋ) بويىنشا جۇرگىزىلەدى. تاركىلەنگەن قارۋ ءتيىستى ساراپتاماعا جىبەرىلدى. تەرگەۋ كەزىندە كۇدىكتىگە قاتىستى «كەلۋ تۋرالى مىندەتتەمە» پروتسەدۋرالىق ماجبۇرلەۋ شاراسى تاڭدالدى, – دەدى اقسۋ اۋداندىق پوليتسياسىنىڭ باستىعى ەرنار شيرباەۆ.

سوڭعى جاڭالىقتار