وزبەكستاندا «سەرگەك» جۇيەسى ىسكە قوسىلدى

بۇل ەلدەگى حالىق سانى بويىنشا تاشكەنتتەن كەيىنگى ەكىنشى قالا. 

«سەرگەك» قوعامدىق جانە جول قاۋىپسىزدىگىنىڭ زياتكەرلىك جۇيەسى قازاقستاندىق ازىرلەۋشىلەردىڭ، software جانە hardware ماماندارىن بىرىكتىرەتىن، Sergek Group كومپانيالار توبىنىڭ ءونىمى.

جوبا جەكە ينۆەستيتسيالار ەسەبىنەن، ەكسپورتتىڭ مەملەكەتتىك باعدارلاماسىن سۋبسيديالاۋمەن، اتاپ ايتقاندا، «KazakhExport» ەكسپورتتىق ساقتاندىرۋ كومپانياسى» اق كرەديت بەرۋى ارقىلى ىسكە اسىرىلدى، قولداۋ قۇرالى - ەكسپورتتىق كرەديتتەردى ساقتاندىرۋ.

نامانگانداعى «سەرگەك» جۇمىسى جول-كولىك وقيعالارىن ازايتۋعا جانە كولىك جۇرگىزۋ مادەنيەتىن ارتتىرۋعا باعىتتالعان. زياتكەرلىك جۇيە وزبەكستان زاڭناماسى بويىنشا سەرتيفيكاتتاۋدان ءوتتى. 25 اپپاراتتىق-باعدارلامالىق كەشەن قالانىڭ 13 ۋچاسكەسىندە جانە وبلىس اۋداندارىندا جول قوزعالىسى ەرەجەلەرىنىڭ بۇزۋشىلىعىن تىركەيدى.  قازاقستان قالالارىنداعىداي نامانگاندا دا جۇيە جىلدامدىق رەجيمىنىڭ اسىپ كەتۋىن، باعدارشامنىڭ تىيىم سالۋ سيگنالىنا ءوتۋىن، جول تاڭبالاۋ جەلىلەرىنىڭ بۇزۋشىلىعىن تىركەيدى.

بيزنەس-جوبا قر ساۋدا جانە ينتەگراتسيا مينيسترلىگى مەن قر تسيفرلىق دامۋ جانە اەروعارىش ونەركاسىبى مينيسترلىگىنىڭ قولداۋىمەن باستالدى.

قازىرگى ۋاقىتتا «سەرگەك» قوعامدىق جانە جول قاۋىپسىزدىگى جۇيەسى قازاقستاننىڭ 8 قالاسىندا جۇمىس ىستەيدى: استانا، وسكەمەن، الماتى، اتىراۋ، شىمكەنت، سەمەي، تاراز جانە تۇركىستان. سونىمەن قاتار Sergek Group ونىمدەردى ەكسپورتقا ىلگەرىلەتۋ ءۇشىن ەكسپورتتىق ستراتەگيانى ازىرلەپ جاتىر. جاقىن اراداعى ماقسات - ورتالىق جانە وڭتۇستىك-شىعىس ازيا، سونداي-اق تاياۋ شىعىس پەن افريكا ايماعىنىڭ نارىقتارى.

«سەرگەك» جۇيەسىن ورناتۋ جۇرگىزۋشى ءتارتىبىنىڭ جوعارىلاۋىنا جانە ولىمگە اكەپ سوعاتىن جكو-نىڭ ءتيىستى تومەندەۋىنە اسەر ەتەدى. جۇيەنىڭ العاشقى جۇمىس ىستەي باستاعان جىلىندا استانادا جول-كولىك وقيعالارىندا قازا تاپقاندار سانى 43%-عا - 60-تان 34 اپاتقا ۇشىراۋشىعا دەيىن قىسقاردى جانە كەيىنگى جىلدارى دا سول دەڭگەيدە ساقتالىپ كەلەدى. الماتىدا (2019-2022) - 161-دەن 96-عا دەيىن. شىمكەنتتە (2020-2022) - 76-دان 57-گە دەيىن. جۇيەنىڭ كومەگىمەن قىلمىستىق قۇقىق بۇزۋشىلىقتاردى دا اشۋعا بولادى.