فوتو: شىمكەنت ق. تجد قىزمەتى
29 قاڭتار كۇنى ساعات 17:25-تە شىمكەنت قالالىق توتەنشە جاعدايلار دەپارتامەنتىنىڭ باسقارۋ بولىمىنە جەدەل مەديتسينالىق جاردەم قىزمەتىنەن 2018 جىلى تۋعان ۇل بالانىڭ بالالار باسسەينىنە باتىپ كەتكەنى تۋرالى حابارلاما كەلىپ تۇسكەن.
وقيعا تۇران اۋدانىنداعى 8-شاعىن اۋداندا ۇركىمباەۆ كوشەسىنىڭ بويىندا, KASIET فيتنەس-كلۋبىندا بولعان. انىقتالعانداي, بالالار باسسەينىندە (تەرەڭدىگى 1 مەتر 20 سانتيمەتر, ەنى 5 مەتر) شومىلۋ كەزىندە ەرەسەكتەردىڭ قاراۋىنسىز قالعان بالا سۋعا باتىپ كەتكەن. وقيعانىڭ ءمان-جايى انىقتالىپ جاتىر, ءتيىستى سوت-مەديتسينالىق ساراپتاما تاعايىندالدى.
«قۇرمەتتى اتا-انالار! اباي بولىڭىزدار! بالالاردى قاراۋسىز قالدىرماڭىزدار! بالالاردى باسسەين ىشىندە وزدەرىن دۇرىس ۇستاۋعا ۇيرەتىڭىزدەر», دەلىنگەن شىمكەنت قالالىق توتەنشە جاعدايلار دەپارتامەنتىنىڭ قوعاممەن بايلانىس توبى تاراتقان حابارلامادا.
