ء«بىزدىڭ ماقساتىمىز – جاستاردى جەمقورلىققا توزبەۋگە شاقىرۋ, سىبايلاس جەمقورلىققا قارسى مادەنيەت دەڭگەيىن جوعارىلاتۋ, سول ارقىلى وقۋ ءۇردىسىنىڭ ساپاسىن ارتتىرۋعا ىقپال ەتۋ. مەملەكەت باسشىسى قاسىم-جومارت توقاەۆ ء«بىزدىڭ ورتاق ماقساتىمىز – زاڭ مەن ءتارتىپ ۇستەمدىك قۇراتىن, ازاماتتاردىڭ قۇقىعىنا لايىقتى قۇرمەت كورسەتىلەتىن ادىلەتتى قازاقستان قۇرۋ» دەگەندى ۇنەمى ايتىپ كەلەدى. وسى ورايدا ۋنيۆەرسيتەت باسشىلىعى مەن ستۋدەنتتەر اراسىندا ارىپتەستىك سەنىمدى ارتتىرۋ ماقساتىندا وسىنداي اشىق اڭگىمە وتكىزىپ وتىرعان ماڭىزدى. بۇگىنگىدەي ءوزارا سەنىمگە نەگىزدەلگەن شارالار سىبايلاس جەمقورلىققا قارسى قوزعالىستىڭ نەگىزى بولىپ سانالادى. الداعى ۋاقىتتا سىبايلاس جەمقورلىققا قارسى ۋنيۆەرسيتەت باعدارلاماسىن قابىلدايتىن بولامىز», دەدى ءوز سوزىندە اقىلبەك قاجىعۇل ۇلى.
ونىڭ ايتۋىنشا, سىبايلاس جەمقورلىق - ءادىل قوعام قاعيداتتارىنا مۇلدەم كەرەعار ۇعىم. ەل ەرتەڭىنە قىزمەت ەتەتىن بىلىكتى ماماندار دايارلاۋدا ساپالى ءبىلىم بەرۋ, ستۋدەنتتەر ءبىلىمىن ءادىل باعالاۋ وقىتۋشىلاردان دا, ءبىلىم الۋشىلاردان دا ۇلكەن جاۋاپكەرشىلىكتى تالاپ ەتەدى.
كەزدەسۋ بارىسىندا ستۋدەنتتەر ۋنيۆەرسيتەتكە كەلمەسە دە جوعارى بالل العىسى كەلەتىندىڭ بار ەكەنىن جانە گرانت ءبولۋ كەزىندە ادىلەتسىزدىكتىڭ, پارا الۋعا بەيىم جاعدايلاردىڭ كەزدەسەتىنىن اتاپ ءوتتى. سىبايلاس جەمقورلىق فاكتىلەرى كوبىنەسە, ستۋدەنتتەر ساباققا قاتىسپاعان جاعدايدا, ارالىق باقىلاۋدى نەمەسە پاندىك جۇمىستاردى, ەمتيحانداردى قايتا تاپسىرۋ, كۋرستىق جۇمىستار قورعاۋ ساتتەرىندە ءجيى كەزدەسەتىن كورىنەدى.
رەكتورمەن كەزدەسۋ بارسىندا ستۋدەنتتەر كەزىندە جەكە مەنشىككە ءوتىپ كەتكەن ۋنيۆەرسيتەتتىڭ وقۋ عيماراتتارىن, ستۋدەنتتىك جاتاقحانانى, ستاديوندى, جەر ۋچاسكەلەرىن مەملەكەتكە قايتارۋ ماسەلەسىن كوتەردى.
ستۋدەنتتەردىڭ وي-پىكىرلەرى مەن ۇسىنىستارىن تىڭداعان رەكتور ساۋالدارعا جاۋاپ بەرىپ, اشىقتىق پەن ءوزارا سەنىم مەن بايلانىستاردى ودان ءارى نىعايتۋ ماقساتىندا ءتيىستى قۇرىلىم باسشىلارىنا ناقتى تاپسىرمالار بەردى.
