بۇنى ءوز كەزەگىندە «ىقپالدى پارلامەنت» قالىپتاستىرۋدىڭ العىشارتى دەپ تە باعالاۋعا ابدەن بولادى. سونداي-اق ساياسي پارتيالاردى تىركەۋ تەتىگىندە دە وزگەرىستەردىڭ ورىن العانىنا قاراپ, ساياسي جۇيەدەگى وڭ باعىتتاردى باعامداۋعا بولادى. سونىمەن بىرگە ءماجىلىس دەپۋتاتتارىنىڭ 70 پايىزى پروپورتسيونالدىق, 30 پايىزى ماجوريتارلىق جولمەن سايلانۋىن سايلاۋدىڭ باستى جاڭالىعى رەتىندە ايتقىمىز كەلەدى. مۇنداي پىكىرگە كەلۋىمىزگە دەپۋتات بولعىسى كەلگەن ۇمىتكەرلەرگە پارتيا تىزىمىمەن نەمەسە قوعامدىق ۇيىمدار اتىنان عانا ەمەس, سونداي-اق ءوزىن-ءوزى ۇسىنۋ جولىمەن دە سايلاۋعا قاتىسۋ مۇمكىندىگى بولاتىندىعى سەبەپ بولىپ وتىر. ءبىر مانداتتىق وكرۋگتەردەگى سايلاۋ وتە بەلسەندى بولارى كۇمان تۋعىزبايدى. ساياسي بايگەدە ەلىنىڭ ەرتەڭىن, بالالارىمىزدىڭ بولاشاعىن ويلايتىن ناعىز حالىق قالاۋلىلارىنىڭ ءباسى باسىم بولاتىنىنا سەنىم مول. ارالاس جۇيەدە وتەتىن ساياسي دودادا ىرىكتەلەتىن ازاماتتار ءماجىلىس مىنبەرىنە ساي مەملەكەتشىل, ادىلەتتى قازاقستاننىڭ ناعىز پاتريوتتارى بولسا دەگەن ۇكىلى ءۇمىتىمىز بار.
حالىقتىڭ قولداۋىنا يە بولعان پرەزيدەنتتىڭ تاعدىرشەشتى قادامدارىن جۇزەگە اسىرۋعا ايانباي اتسالىسۋ – بارشامىزدىڭ مىندەتىمىز.
كارىمبەك قۇرماناليەۆ,
ۇلتتىق قۇرىلتاي مۇشەسى,
ۇعا اكادەميگى
