ۆ جانە س ۆيرۋستىق گەپاتيتتەرىن جويۋ جونىندەگى باعدارلاما ىسكە قوسىلادى

10 000 ادامدى قامتي وتىرىپ، استانا قالاسىندا ۆ جانە س ۆيرۋستىق گەپاتيتتەرىن جويۋ جونىندەگى پيلوتتىق باعدارلامانى ىسكە اسىرۋدى تالقىلاۋعا اۋرۋلاردى تالداۋ ورتالىعى (CDAF) قورىنىڭ باسقارۋشى ديرەكتورى حومي رازاۆي، وزبەكستان رەسپۋبليكاسىنىڭ CDAF وكىلى ساديروۆا شاحلو، قر دسم قۇرىلىمدىق بولىمشەلەرىنىڭ ماماندارى (مكۇد،جب د)، سونداي-اق وسى جوبانىڭ كۋراتورى «ۇلتتىق عىلىمي ونكولوگيا ورتالىعى» جشس قاتىستى.

ۆياچەسلاۆ دۋدنيك ءوزىنىڭ قۇتتىقتاۋ سوزىندە بۇل جوبانى قازاقستاندا ىسكە اسىرۋدىڭ ماڭىزدىلىعىن اتاپ ءوتتى. ويتكەنى بۇگىنگى تاڭدا ۆيرۋستىق گەپاتيتتەرمەن سىرقاتتانۋ پروبلەماسى ءبىزدىڭ ەلىمىزدە عانا ەمەس، بۇكىل الەمدە وزەكتى بولىپ تۇر. ۆيرۋستىق گەپاتيت باۋىردىڭ اۋىر اۋرۋىن جانە گەپاتوتسەلليۋليارلىق كارتسينومانى تۋدىرادى. سونداي-اق ول ۆيرۋستىق گەپاتيتتەردىڭ پروفيلاكتيكاسى بويىنشا بارلىق ۇيىمداستىرۋشىلىق جانە اقپاراتتىق-ءتۇسىندىرۋ جۇمىستارى، ونىڭ ىشىندە ءسوس اسپەكتىلەرى بىرلەسىپ پىسىقتالاتىنىنا جانە پيلوتتىق جوبا قىسقا مەرزىمدە باستالاتىنىنا سەندىردى.

وسى جوبانى ىسكە اسىرۋدىڭ ارقاسىندا س ۆيرۋستىق گەپاتيتىن ۋاقتىلى انىقتاۋ، ەمدەۋ جانە ونىڭ اسقىنۋلارىنىڭ الدىن الۋ ءۇشىن حالىقتى جالپىعا بىردەي سكرينينگتەۋ ماسەلەسى پىسىقتالادى، بۇل تسيرروز مەن باۋىر وبىرىنان بولاتىن ءولىمدى ازايتۋعا مۇمكىندىك بەرەدى.