انىقتالعانداي, 27 قاڭتاردا ساعات 15:50 شاماسىندا تاراز قالاسى پب جەدەل باسقارۋ ورتالىعىنا مولتەك اۋدانداردىڭ بىرىندە قۇرىلىسى بىتپەگەن عيماراتتان قىزدىڭ سەكىرىپ كەتكەندىگى تۋرالى حابارلاما تۇسكەن.
اتالعان دەرەك بويىنشا قر قق-ءنىڭ 105-بابىمەن سوتقا دەيىنگى تەرگەۋ امالدارى جۇرگىزىلىپ جاتىر.
سەكىرگەن ازاماتشانىڭ 19 جاستاعى قالا تۇرعىنى ەكەندىگى انىقتالدى. ول شۇعىل تۇردە وبلىس ورتالىعىنداعى اۋرۋحانالاردىڭ بىرىنە جەتكىزىلدى. قازىرگى ۋاقىتتا جانساقتاۋ بولىمىندە جاتىر.
ونىڭ سۋيتسيدكە بارۋ سەبەبى تەرگەپ-تەكسەرۋ شارالارى بارىسىندا انىقتالادى. باسقا ءمان-جايلار قر قپك-ءنىڭ 201-بابىنا سايكەس جاريالاۋعا جاتپايدى.
