سەنىم گراموتالارىن تابىستاۋ راسىمىنەن كەيىن وتكەن كەزدەسۋ بارىسىندا ەلشى قازاقستان پرەزيدەنتى قاسىم-جومارت توقاەۆتىڭ جىلى لەبىزدەرى مەن ىزگى تىلەكتەرىن جەتكىزىپ, استانا ەكى ەل اراسىنداعى قاتىناستاردى نىعايتۋعا, ونىڭ ىشىندە ساياسي ديالوگتى, ساۋدا-ەكونوميكالىق, ينۆەستيتسيالىق جانە ترانزيت-كولىكتىك بايلانىستاردى جانداندىرۋعا ەرەكشە ءمان بەرەتىنىن حابارلادى. قازاقستاندىق ديپلومات سۇحباتتاسۋشىنى ەلىمىزدە جۇرگىزىلىپ جاتقان ساياسي جانە الەۋمەتتىك-ەكونوميكالىق وزگەرىستەرمەن تانىستىردى.
ءوز كەزەگىندە ر.رادەۆ قازاقستان بولگاريانىڭ ورتالىق ازياداعى ەڭ ماڭىزدى جانە نەگىزگى ارىپتەسى ەكەنىن, سونداي-اق ەلىمىزبەن ءوزارا قىزىعۋشىلىق تۋدىراتىن سالالاردا ىنتىماقتاستىقتى دامىتۋعا دايىن ەكەنىن حابارلادى. سونىمەن قاتار قازاقستان ەلشىسىن رەسمي قىزمەتكە كىرىسۋىمەن قۇتتىقتاپ, قازاقستان-بولگاريا قاتىناستارىن نىعايتۋ جولىنداعى جۇمىسىنا تابىس تىلەدى.
قالىپتاسقان پروتوكولدىق پراكتيكاعا سايكەس, بولگاريا پرەزيدەنتىنە سەنىم گراموتالارىن تاپسىرعاننان كەيىن ەلشى ۆ.تەمىرباەۆ سوفياداعى «بەلگىسىز سارباز» ەسكەرتكىشىنە گۇل شوقتارىن قويدى.
