تالدىقورعاندا 300 ملن تەڭگە جىمقىرعان شەنەۋنىك سوتتالدى

وبلىس پروكۋراتۋراسىنىڭ حابارلاماسىندا اتاپ وتىلگەندەي، 2021 جىلى تالدىقورعان قالالىق سوتىنىڭ «مك-Buid-D» جشس-ءنىڭ ەكى باسشىسى اسا ءىرى مولشەردە مەملەكەتتىك قاراجات ۇرلاعانى ءۇشىن كىنالى دەپ تانىلىپ، ۇزاق مەرزىمگە باس بوستاندىعىنان ايىرىلدى.

اقشالاي قاراجاتتى اۋدارۋ تۋرالى قۇجاتتارعا قول قويعان «تالدىقورعان قۇرىلىس ءبولىمى» مم باسشىسى اسا ءىرى كولەمدى ەسەپكە الماي، لاۋازىمدىق وكىلەتتىكتەرىن اسىرا پايدالانعانى ءۇشىن عانا كىنالى دەپ تانىلدى. ول ءبىر جىلعا باس بوستاندىعىنان ايىرىلدى.

الماتى پروكۋراتۋراسىنىڭ مالىمەتىنشە، مەملەكەتكە 300 ميلليون تەڭگەدەن استام سوماعا اسا ءىرى مولشەردە زالال كەلتىرىلگەن.

سونداي-اق وبلىس پروكۋراتۋراسىنىڭ باستاماسى بويىنشا باس پروكۋرور جوعارعى سوتقا كاسساتسيالىق شاعىم ەنگىزدى، ول تولىق كولەمدە قاناعاتتاندىرىلدى.

الماتى وبلىستىق سوتىنىڭ جاڭا قاراۋى كەزىندە «تالدىقورعان قۇرىلىس ءبولىمى» مم بۇرىنعى باسشىسى قر قك 28-بابىنىڭ 5-بولىگى، 189-بولىگى 4-بولىگى بويىنشا كىنالى دەپ تانىلدى (سەنىپ تاپسىرىلعان بيۋدجەت قاراجاتىن اسا ءىرى مولشەردە ۇرلاۋعا جاردەمدەسۋ).

ناتيجەسىندە، قىلمىسكەر مەملەكەتتىك قىزمەتتە جۇمىس ىستەۋ قۇقىعىنان ايىرىلا وتىرىپ، جەتى جىلعا سوتتالدى.