ۆەدومستۆونىڭ مالىمەتىنشە, 2022 جىلدىڭ قىركۇيەگىندە ءىىم تەرگەۋ قىزمەتىنە ب.ا. ەسىمدى ازامات شاعىمدانىپ, رازاكوۆقا قاتىستى شارا قابىلداۋدى سۇراعان.
«2017 جىلدىڭ كۇزىندە بۇرىنعى ۆيتسە-پرەمەر جەنيش رازاكوۆ سەنىمگە كىرىپ, ءوزىنىڭ لاۋازىمدىق وكىلەتتىگىن پايدالانا وتىرىپ, كاسىپكەرلىك قىزمەتتى جۇزەگە اسىرامىن دەگەن جەلەۋمەن 1 000 000 اقش دوللارى كولەمىندەگى قارجىنى يەمدەنگەن», دەلىنگەن قىرعىزستان ىشكى ىستەر مينيسترلىگىنىڭ حابارلاماسىندا.
وسىلايشا جينالعان ماتەريالدار نەگىزىندە, بىلتىر قازان ايىنىڭ باسىندا رازاكوۆقا قاتىستى قىرعىزستان قىلمىستىق كودەكسىنىڭ 209-بابى بويىنشا قىلمىستىق ءىس قوزعالعان.
ال بيىل قاڭتاردا بۇرىنعى ۆيتسە-پرەمەر ۇستالىپ, ۋاقىتشا ۇستاۋ يزولياتورىنا قاماۋعا الىندى. قازىرگى تاڭدا سوت بۇرىنعى شەنەۋنىكتى 24 اقپانعا دەيىن قاماۋدا ۇستاۋ تۋرالى سانكتسيا بەرگەن. تەرگەۋ جالعاسىپ جاتىر.
گۇلشاحرا سانسىزباي
