بىلىكتىلىكتى شىڭداعان وقۋ-جاتتىعۋ

جاتتىعۋعا ەلىمىزدىڭ تۇكپىر-تۇك­پىرىنەن كەلگەن پوليتسيا باس­­قارمالارى مەن بولىمدەرى باس­­تىق­تارىنىڭ ساياسي ىستەر جونىن­دەگى جانە كادر ساياساتى جونىندەگى ورىنباسارلارى قاتىسىپ، ءبىر اپتا بويى بىلىكتى­لىگىن ارتتىردى. بارلىعى 114 ورىن­باسار بىلىكتىلىگى ارت­تى­رىل­عانى جونىندە سەرتيفيكاتتار الدى.

وقۋ-جاتتىعۋ ساباقتارى ىشكى ىستەر ءمينيسترى، پوليتسيا گەنەرال-پولكوۆنيگى مارات احمەت­جانوۆتىڭ باقىلاۋىندا بولدى. ۇلتتىق ۇلان اكادەميا­سىندا ولارعا كاسىبي دەڭگەيىن ارتتىرۋ بويىنشا وقىتۋ كۋرس­­تارى ۇيىمداستىرىلدى. باسشى قۇرامنىڭ وفيتسەرلەرى جاس كەز­دەرىندە وتكەرگەن اسكەري ومىر­گە ءبىر ءسات ورالىپ، كازارمادا تۇرىپ، ساربازدىق ءومىردىڭ قاتاڭ ءتارتىبىن، ساپتىق دايىندىعىن جانە اسحاناسىن ەستەرىنە ءتۇسىردى. اكادەميانىڭ ءماجىلىس زالىندا ولارعا ءىىم وقۋ ورىندارىنىڭ ۇزدىك وقىتۋشىلارى دارىستەر وقىدى.

باستىق لاۋازىمىنداعى تۇل­عا جەكە قۇرامعا قويىلاتىن بار­لىق تالاپتى وزىنە دە قويا ءبىلۋى قاجەت. سوندىقتان وقۋ-جاتتىعۋ جيىندارىنىڭ باسىنان باستاپ كۋرس تىڭداۋشىلارى كۇيزەلىسكە توزىمدىلىك، كوشباسشىلىق قا­سيەت­تەرىنىڭ دەڭگەيىن تەكسەرۋ ءۇشىن پسيحولوگيالىق تەستىلەۋدەن ءوتتى. ساباقتاردا كادر سالاسىن تسيفرلاندىرۋ، ءىىم وقۋ ورىندارىندا كادر دايارلاۋداعى جاڭا­شىلدىقتار، جەكە قۇرام­مەن جۇرگىزىلەتىن تاربيە جۇمىس­تا­رىنىڭ پەداگوگيكالىق نە­گىز­دەرى، قىزمەتتە پوليتسيا قىز­مەتكەرلەرىنە كەزدەسەتىن پسي­حو­لو­گيالىق پروبلەمالاردى شەشۋ جولدارى جانە باسقا دا وزەكتى تاقىرىپتار قاراس­تى­رىل­دى. كادر قىزمەتكەرلەرىنە كوپتەگەن مىندەت جۇكتەلگەن. پوليتسيانىڭ بارلىق قىزمەتىنىڭ تيىمدىلىگى، وتانسۇيگىشتىك دەڭگەيى مەن قىزمەتكەرلەردىڭ كاسىبي تۇرعىدا ءوسۋى، ۇجىمداعى مورالدىق-پسيحولوگيالىق احۋال كوبىنە بىلىكتى كادرلىق شەشىمدەرگە باي­لانىستى.

وقۋ-جاتتىعۋعا قاتىسۋشى وفي­تسەرلەرگە ۇلكەن مادەني باع­دارلاما دا ازىرلەنىپ، اكا­دەميانىڭ شىعارماشىلىق ۇجىمى ۇيىمداستىرعان تاقى­رىپ­تىق كەش، سقو پوليتسيا دەپارتامەنتىنىڭ مۋزەيىنە جانە ابىلاي حاننىڭ مۋزەي-كەشەنىنە ەكسكۋرسيالار ۇيىمداستىرىلىپ، «قازبات» اسكەري-پاتريوتتىق كوركەم ءفيلمى كورسەتىلدى. وسى ءىس-شارالار ساباقتارمەن قاتار وتكىزىلدى. ويتكەنى بۇلار دا پات­ريوتتىق جانە ساياسي تاربيە جۇ­مىس­تارىنىڭ نەگىزى.

«ىشكى ىستەر ورگاندارىندا كادرلىق جانە تاربيە جۇمى­­­سىن ۇيىمداستىرۋدىڭ بىرىڭ­عاي تاسىلدەرىن ازىر­لەۋ­گە ار­نال­عان جيىندار­­ ازامات­تار­­­دىڭ قۇ­قىق­تارى مەن زاڭدى مۇد­دە­لە­رىنىڭ قورعالۋ دەڭ­گە­يىن ارتتىرۋ، پوليتسيانىڭ سەرۆيس­تىك مودەلىن ەنگىزۋ، سون­داي-اق حالىقتىڭ پو­لي­تسياعا دەگەن سەنى­مىن، كادرلاردى دايار­لاۋ ساپاسىن ارتتىرۋ تۋرالى تاپسىرماسىن ورىنداۋ شەڭبە­رىندە وتكىزىلدى»، دەيدى ءىىم كادر ساياساتى دەپارتامەنتى باستى­عىنىڭ ورىنباسارى، پوليتسيا پولكوۆنيگى باقىتجان بەيسەەۆ.

اكادەميا پلاتسىندا سەرتي­في­كاتتاردى سالتاناتتى تا­بىس­­­تاۋدان كەيىن وقۋ ورنى باس­تى­­عىنىڭ مىندەتىن ۋاقىت­شا ات­قارۋشى، پولكوۆنيك ءىلياس ساعىن­دىقوۆ ءسوز الدى. «كۋرس­­تىڭ ماقساتتارىنىڭ ءبىرى – وقى­تۋ­دان بولەك، ءۇي-جايدا بىرگە تۇرىپ، توپ بولىپ جۇ­مىس ىس­تەۋ­دىڭ تاجىريبەسىن ۇيرەتۋ. وسى ارقىلى پوليتسيا قىز­مەت­­كەرلەرىنە بولىنىستەردىڭ جۇ­­مى­­­سىنىڭ كۇردەلىلىگى مەن تيىم­­­دىلىگىن كورسەتكىمىز كەلدى. بەل­گى­لى ءبىر جاعدايلاردا بارلىق تاپسىرمانى ورىنداي الۋى ءۇشىن بولىمشەگە پراكتيكالىق داع­دى­لاردى ۇي­رە­تۋ­گە باسىمدىق بە­رىل­دى»، دەدى ول.

پەتروپاۆل