فوتو: قر اقدم telegram ارناسى
مينيستر دارحان قىدىرالى فورۋمنىڭ سوڭىندا وڭىرلىك مەرزىمدى باسىلىمداردىڭ جۇمىس دەڭگەيىن ارتتىرۋ ماسەلەلەرىنە توقتالىپ, قورىتىندى ءسوز سويلەدى.
«ەكى كۇن بويى جاقسى جيىن ءوتتى, ءلتۇرلى تاقىرىپتاردا كوپتەگەن ماسەلەلەر تالقىلاندى. ءداستۇرلى مەديانى ءبىز ارقاشان قولداۋعا ءازىرمىز. جۋرناليستيكانىڭ وتىنان كىرىپ, ك ۇلىنەن شىققان جۋرناليستەرگە مينيسترلىك اتىنان جانە ءوز اتىمنان ريزاشىلىعىمدى بىلدىرگىم كەلەدى. وڭىرلەردىڭ اراسىندا تاجىريبە الماسۋ بولدى دەپ ويلايمىن. وزىق وڭىرلەردەگى تاجىريبەنى قولدانۋ بارىسىندا اكىمشىلىكتەن قولداۋ قاجەت بولسا ءبىز سول اكىمدىكتەرمەن سويلەسۋگە دايىنبىز», دەدى دارحان قىدىرالى.
سونىمەن قاتار جيىن بارىسىندا مينيسترگە ورىس تىلىندە جاريالاناتىن باق-تىڭ بولاشاعى جايلى سۇراق قويىلدى.
ء«بىز مەملكەتتىك جانە مەملەكەتتىك ەمەس ءتىل دەپ بولمەيمىز. سول سياقتى قازاقستانداعى بارلىق تىلدە شىعاتىن گازەتتەردىڭ بارلىعىنا بىردەي قارايمىز. ونىڭ ىشىندە ورىس تىلىندەگى باسىلىمدار ءبىزدىڭ ەرەكشە نازارىمىزدا. ورىس تىلىندەگى جۋرناليستيكانى دامىتىپ وتىرعان ارىپتەستەرىمىزگە العىسىمىزدى بىلدىرەمىز. ورىس ءتىلدى اۋديتوريا وتە ۇلكەن جانە ونىڭ مۇمكىندىكتەرى كوپ. وتاندىق جۋرناليستيكانىڭ دامۋىندا ورىس ءتىلدى جۋرناليستكانىڭ دا ۇلكەن ءرولى بار. بولاشاقتا دا سولاي جالعاساتىنىنا سەنەمىن. جۇمىستارىڭىزعا تابىس تىلەيمىن!», دەپ قورىتىندىلادى د.قىدىرالى.
وسىلايشا ەلوردادا ەكى كۇنگە سوزىلعان وڭىرلىك مەرزىمدى باسىلىمدار فورۋمى جۇمىسىن اياقتادى. فورۋمدا وڭىرلىك مەرزىمدى باسىلىمداردىڭ جۇمىس دەڭگەيىن ارتتىرۋ ماسەلەلەرى كوتەرىلدى. اتالعان فورۋمعا ەلىمىزدىڭ ءار وڭىرىنەن 200-دەن استام دەلەگات قاتىستى. ەكى كۇن بويى ءتۇرلى سەسسيالار, ماستەر-كلاسستار, تاعىلىمدى تالقىلار ۇيىمداستىرىلدى.
