قاڭتار ايىندا الەۋمەتتىك جەلىلەردە الماتى وبلىسىنىڭ كولونياسىنداعى زاڭسىز كەزدەسۋلەر تۋرالى اقپارات پايدا بولدى.
قاج دەپارتامەنتى وسى فاكتى بويىنشا قىزمەتتىك تەرگەۋ جۇرگىزگەن. تەكسەرۋ بارىسىندا سوتتالعانداردىڭ ءبىرىنىڭ تۋىستارى مەكەمە اكىمشىلىگىنە شاعىمدانعانى انىقتالدى. كولونيا قىزمەتكەرلەرىن زاڭسىز ارەكەتتەرگە ايىپتاي وتىرىپ, سوتتالعانداردىڭ تۋىستارى شاعىمدارىن بۇقارالىق اقپارات قۇرالدارىندا جاريالاۋمەن قورقىتقان. قولدانىستاعى زاڭنامانى بۇزا وتىرىپ, مەكەمە باستىعىنىڭ ورىنباسارى سوتتالعاندى كولونياعا كەلگەن تۋىستارىنا ءبوپ تورى ارقىلى كورسەتۋدى تاپسىرعان. كەيىننەن بۇل جاعداي باق وكىلدەرىنە سىبايلاس جەمقورلىق قۇرامداس بولىگىمەن زاڭسىز كەزدەسۋ رەتىندە ۇسىنىلعان.
سونداي-اق بەينەجازبالاردا كورسەتىلگەن باسقا دا فاكتىلەر بويىنشا قىزمەتتىك تەرگەۋ بارىسىندا سىبايلاس جەمقورلىق قۇرامداس بولىكتەرى بار قولدانىستاعى نۇسقاۋلىقتاردىڭ بۇزىلۋى انىقتالعان جوق.
سونىمەن قاتار قىزمەتتىك تەرگەۋ ناتيجەلەرى بويىنشا مەكەمە باستىعىنىڭ ورىنباسارى جىبەرىلگەن بۇزۋشىلىقتار ءۇشىن اتقارىپ وتىرعان قىزمەتىنەن بوساتىلدى.
بۇدان باسقا بىرقاتار باسقا دا قىزمەتكەرلەر, ونىڭ ىشىندە مەكەمە باسشىسى قاتاڭ تارتىپتىك جاۋاپكەرشىلىككە تارتىلدى.
