«پليۋراليزم مەملەكەتتى ەۆوليۋتسيالىق جولمەن دامىتۋعا مۇمكىندىك بەرەدى. بىزدە ساياسي كوزقاراسى ءارتۇرلى پارتيالار بار. كانديداتتاردىڭ ءتۇرلى ماسەلە بويىنشا ۇستانىمدارىنىڭ بىردەي بولماۋى دا زاڭدى قۇبىلىس. بىراق كوزقاراستارى مۇلدە قابىسپايتىن ىمىراسىز قارسىلاستاردىڭ وزىنە ورتاق قۇندىلىقتار بار. ول – ءبىزدىڭ قاسيەتتى وتانىمىز جانە قاستەرلى تاۋەلسىزدىگىمىز», دەدى مەملەكەت باسشىسى.
سونداي-اق پرەزيدەنت بۇل تۋرالى «تاۋەلسىزدىك بارىنەن قىمبات» اتتى ماقالاسىندا جازعانىن ەسكە سالدى.
«ويتكەنى, تاۋەلسىزدىك ءۇشىن كۇرەس كۇندەلىكتى ەڭبەكپەن جانە ەلدىك ساياساتپەن تىعىز بايلانىسىپ جاتىر. بولاشاقتىڭ الدىندا ءبارىمىز بىردەي جاۋاپ بەرەمىز. كەيىنگى ۇرپاق كىمنىڭ ساياسي ۇستانىمى قانداي بولعانىنا ءمان بەرەدى.
اعا بۋىننىڭ ولارعا قانداي مەملەكەتتى ميراس ەتكەنىنە قاراپ, بۇگىنگى كۇنىن باعالايتىن بولادى. سوندىقتان ءبىز ورتاق ماقسات جولىندا بىرىگۋىمىز كەرەك», دەدى قاسىم-جومارت كەمەل ۇلى.
