ەلوردالىق ءبىلىم باسقارماسىنىڭ باسشىسى قاسىمحان سەنعازىەۆتىڭ ايتۋىنشا, وسى جىلى تاربيەشىلەردى بىلىكتىلىگىن ارتتىرۋ كۋرستارىنان وتكىزۋگە, ءبىلىم وشاقتارىمەن قامتۋعا, اسىرەسە اپاتتى جانە ءۇش اۋىسىمدى مەكتەپتەردى جويۋعا ەرەكشە نازار اۋدارىلادى.
«بيىل بالاباقشالارداعى ورىنداردى ۇلعايتۋ ماقساتىندا جەكەمەنشىك مەكتەپكە دەيىنگى ۇيىمداردا 8 مىڭ ورىنعا مەملەكەتتىك تاپسىرىس ورنالاستىرىلادى. سونىمەن قاتار تۇرعىن ءۇي كەشەندەرىنىڭ ءبىرىنشى قاباتتارىندا قادامدىق قولجەتىمدىلىك قاعيداتى بويىنشا 200 ورىنعا ارنالعان بالاباقشالار جەلىسى اشىلادى. بىلتىر بالاباقشا تاربيەشىلەرىنىڭ 120 پەداگوگى قايتا دايارلاۋ كۋرستارىن جانە 641 پەداگوگ بىلىكتىلىگىن ارتتىرۋ كۋرستارىنان ءوتتى. 2023 جىلى مەكتەپكە دەيىنگى ءبىلىم بەرۋ پەداگوگتەرىنە ارنالعان بىلىكتىلىكتى ارتتىرۋ كۋرستارىنان جالپى 1 012 تاربيەشى وتەدى. 2025 جىلعا دەيىن بەيىندى ءبىلىمى بار تاربيەشىلەردىڭ ۇلەسىن كەزەڭ-كەزەڭىمەن 100%-عا جەتكىزەمىز», دەدى ق.سەنعازىەۆ.
اتالعان باسقارمانىڭ اقپاراتىنا سايكەس, 2023 جىلى 34 بالاباقشاداعى شاعىن ساۋلەت نىساندارى اۋىستىرىلادى. ال 2025 جىلعا دەيىن بالاباقشالارداعى شاعىن ساۋلەت نىساندارى 100% جاڭارتىلادى.
سونىمەن قاتار بيىل تەحنيكالىق جانە كاسىپتىك ءبىلىم بەرۋ ۇيىمدارىنا 1 400 ورىنعا پەداگوگيكالىق ماماندىقتار بويىنشا مەملەكەتتىك ءبىلىم بەرۋ تاپسىرىسى ورنالاستىرىلادى. 2022 جىلى 3 077 پەداگوگ بىلىكتىلىكتى ارتتىرۋ كۋرستارىنان وتسە, 2023 جىلى 5 481 پەداگوگ كۋرستان وتەدى.
بيىل مەكتەپتەردە كوركەم ادەبيەت قورىن ۇلعايتۋ ماقساتىندا بيۋدجەتتەن 100 ملن تەڭگە بولىنەدى. كىتاپحانالاردىڭ ينتەرەرىن قايتا جاڭعىرتۋ بويىنشا جۇمىس جالعاسۋدا. بۇگىنگى تاڭدا قالانىڭ 36 مەكتەبىندە كىتاپحانالار زاماناۋي جابدىقتالدى. ەلوردالىق 46 مەكتەپتە وقىرماندارعا ارنالعان كوۆوركينگ الاڭدارى اشىلدى. 2023 جىلدىڭ 2 توقسانىنىڭ سوڭىنا دەيىن 19 مەكتەپ كىتاپحانالارىنىڭ ينتەرەرى جاڭارتىلىپ, جاڭا كوۆوركينگ ورتالىقتارى اشىلادى.
بۇعان قوسا 2022 جىلى 41 مەكتەپكە 64 پاندىك كابينەتتەر ساتىپ الۋ ارقىلى مەكتەپتەردىڭ 70,3%-ى جاڭارتىلعان پاندىك كابينەتتەرمەن جابدىقتالدى. 2023 جىلى 22 مەكتەپكە 29 پاندىك كابينەت ساتىپ الىنادى. بيىل دا قوسىمشا ءبىلىم بەرۋ ۇيىمدارىنىڭ جەلىسىن دامىتۋ بويىنشا جۇمىستار قارقىندى جالعاسادى. 2023 جىلى قالامىزدا 2 مىڭنان اسا وقۋشىنى قامتيتىن وقۋشىلار سارايى ىسكە قوسىلادى. قوسىمشا ءبىلىم بەرۋ ۇيىمدارىنا 1 364 ورىنعا مەملەكەتتىك تاپسىرىس ورناتىلادى.
سونداي-اق 2022 جىلى ينكليۋزيۆتى ءبىلىم بەرۋ بويىنشا مەملەكەتتىك تاپسىرىس 2021 جىلمەن سالىستىرعاندا 12 ورىننان 97 ورىنعا دەيىن ارتتى. ء«بىلىمدى ۇلت» ساپالى ءبىلىم بەرۋ» ۇلتتىق جوباسىن ىسكە اسىرۋ اياسىندا مەملەكەتتىك ءبىلىم بەرۋ تاپسىرىسى 4 800 ورىننان 7 300 ورىنعا دەيىن ۇلعايتىلدى. بۇل كورسەتكىش 2023 جىلى 8 500 ورىنعا دەيىن كوبەيەدى.
