«استانا وپەرا» تەاترىنىڭ ديرەكتورى عالىم احمەدياروۆ الەمدىك وپەرا جۇلدىزى حيبلا گەرزماۆانىڭ اتىنان ارنايى سىيلىق الۋى گۇلدانانىڭ ونەردەگى جولىنىڭ ءبىر جەمىستى قادامى ەكەنىن جەتكىزدى.
دارىندى ءانشىنىڭ ءوزى دە بايقاۋعا قاتىسقان بارلىق قارسىلاستارى مىقتى بولعانىن ايتادى.
«شىنىمدى ايتسام, فينالعا شىعامىن دەپ ەش ويلاعان جوقپىن. العاشقى ەكى اينالىمدا ۇيىمداستىرۋشىلار دايىنداعان تىزىمدەگى اريالاردى ايتۋ كەرەك. بىراق مەن ولاردى بۇرىن ورىنداماعان ەدىم. سوندىقتان جاڭا شىعارماداي اسەر ەتتى. الايدا وپەرەتتادان اريامەن جانە ەش سۇيەمەلدەۋسىز حالىق انىمەن ونەر كورسەتۋ – مەن ءۇشىن ناعىز ەمتيحان بولدى», دەيدى جۇلدەگەر.
مۋزىكا سىنشىلارى گۇلدانا الدادوسوۆانىڭ تالانتىن ءبىرىنشى اينالىمنان كەيىن بىردەن بايقاپ, وعان «ماسكەۋلىك وپەرا ساحناسىنىڭ كوركى» دەگەن باعا بەرگەن.
ايتا كەتەيىك, حيبلا گەرزماۆا – مەتروپوليتەن وپەرا, لا سكالا, كوۆەنت-گاردەن, پاريج ۇلتتىق وپەراسى, ارەنا دي ۆەرونا سەكىلدى الەمنىڭ ايتۋلى ساحنالارىندا ونەر كورسەتىپ جۇرگەن ايگىلى وپەرا ءانشىسى عانا ەمەس, سونداي-اق ونىڭ ماسكەۋ كونسەرۆاتورياسىنىڭ جەكە ءان ايتۋ كافەدراسىنىڭ دوتسەنتى, «ونەگين» ۇلتتىق وپەرا سىيلىعىنىڭ پرەزيدەنتى جانە «حيبلا گەرزماۆا شاقىرادى…» اتتى مۋزىكالىق فەستيۆالىنىڭ جەتەكشىسى.
