اقپاراتتار اعىنى

* ەلىمىزدە 2020 جىلعا دەيىن 45 ملن. شارشى مەتر تۇرعىن ءۇي سالىنادى. بۇل تۋرالى پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن بريفينگتە تاراتىلعان حابارلامادا ايتىلعان. وسى ۋاقىت ارالى­عىندا قالالاردىڭ 97 پايىزى, اۋىلدىق ەلدى مەكەندەردىڭ 75 پايىزى ورتالىقتاندىرىلعان سۋمەن جابدىقتالادى. * قازاقستان بالانسىندا التىننىڭ 2 مىڭ توننالىق قورى بار. كەشە بۇل تۋرالى مالىمدەگەن يندۋستريا ءجا­نە جاڭا تەحنولوگيالار مي­نيسترلىگى گەولوگيا جانە جەر قويناۋىن پايدالانۋ كومي­تە­تىنىڭ توراعاسى بازارباي نۇرا­باەۆ وسىعان قاتىستى كەنىش­تەردىڭ 76 پايىزى پايدالانىلىپ جاتقانىن ايتتى. بۇگىندە مەملەكەت بالانسىندا 321 التىن كەن ورنى تىركەلگەن. * قوستانايدا جىل سوڭى­نا دەيىن مەتالل يلەك زاۋىتى قاتارعا قوسى­لا­دى. مۇ­نى جەتكىزگەن وبلىس­تىق كاسىپ­كەرلىك جانە يندۋس­تريا­­لىق-يننوۆاتسيالىق دا­مۋ باسقارماسىنىڭ ءبولىم باس­­تىعى تالعات مايشين جا­ڭا ءوندىرىستىڭ جوبالىق قۋات­تىلىعى جىلىنا 15 مىڭ توننا مەتالل يلەكتەۋ ەكەنىن اتاپ ءوتتى. مۇنداعى ۇساق سورتتى مە­تالل ونىمدەرى سەگىز پەشتە شى­عارىلادى. * شىمكەنت ساحناسىن­دا الەم وپەراسىنىڭ جاۋ­ھار­لارى ورىندالدى. ءوڭتۇس­تىك قازاقستان وبلىستىق وپەرا جانە بالەت تەاترى ۇجى­مى­نىڭ كورەرمەن نازارىنا ۇسىنعان تۋىندىلارى قاتا­رىندا  «قامار سۇلۋ» وپەراسى دا بولدى. ديريجەر رۇستەم رىس­ماعانبەتوۆ جەتەكشىلىك ەتكەن سيمفونيالىق وركەستر­دىڭ سۇيەمەلدەۋىمەن شەبەر اتقارىلعان تۋىندىنى ونەر­سۇيەر قاۋىم جىلى قابىلدادى. * شىعىس قازاقستان وبلى­سىنىڭ ءبىر توپ جەتىم بالالارى قارا تەڭىز جاعالاۋىندا دەمالادى. وسى ايماقتىڭ ەلدەن تىس جەرلەردە تۇراتىن 75 تۋماسى سىيعا تارتقان 157 جولداما-سەرتيفيكاتتى ءبۇل­دىر­شىندەرگە وسكەمەندە وتكەن ءبىرىنشى جەرلەستەر فورۋمىندا وبلىس اكىمى بەردىبەك ساپارباەۆ پەن رەسەي فەدەراتسياسى عى­لىم, ءبىلىم, مادەنيەت جانە اق­پاراتتىق ساياسات جونىندەگى فەدەراتسيا كەڭەسى كوميتەتىنىڭ ءتورايىمى زينايدا دراگۋنكينا تاپسىردى. * كوكشەتاۋدا دەنساۋلىق ساقتاۋ سالاسىنىڭ ۇزدىكتەرى مارا­پاتقا يە بولدى. ءدارى­گەر­­لەردىڭ ءتول مەرەكەسى قار­ساڭىندا وتكەن سالتاناتتى جيىن­عا قا­تىسقان اقمولا وبلى­سىنىڭ اكىمى سەرگەي كۋلا­گين كەشە مەديتسينالىق مەكەمەلەر باسشىلارىنا 7 جاڭا كولىكتىڭ كىلتىن تابىس ەتتى. * پاۆلوداردىڭ قوعامدىق كولىكتەرىنە ەلەكتروندى جو­لاقى تولەمى جۇيەسى ەنگى­زى­لۋدە. قالاداعى ءۇش ءىرى تاسىمالداۋشى مەكەمە قىزىعۋشىلىق تانىتىپ وتىرعان بۇل جوباعا «SMART CARD SYSTEM» جشس ينۆەستيتسيا قۇيۋدى ءوز ءمىن­دەتىنە الدى. «قازاقپارات», 24KZ, Otyrar.kz, Alau.kz, اltaynews.kz, Egemen.kz اگەنتتىكتەرى مەن پاۆلودار وبلىسى اكىمدىگى سايتتارى دەرەكتەرى بويىنشا دايىندالدى.