ءجۋرناليستىڭ جەڭىسى

بۇقارالىق اقپارات قۇرال­دارىندا جۋرناليستەردىڭ الار ورنى بولەك ەكەنى بەلگىلى. سو­نىمەن بىرگە, ولاردىڭ جۇمىسىن ۇيلەسىمدى ۇيىمداستىرىپ وتىراتىن رەداكتورلىق قىزمەتتىڭ ماڭىزى دا ەرەكشە. قازاقستانداعى اقپارات ايدىنىندا رەداكتورلىق جۇمىستىڭ وزىندىك ەرەكشەلىگىن ەسكەرگەن سىيلىق تا بار. كەزىندە الماتى وبلىستىق «وگني الاتاۋ» گازەتىن, رەسپۋبليكالىق ادەبي «پروستور» جۋرنالىن تابىس­تى باسقارعان بەلگىلى قالامگەر گەننادي تولماچەۆ اتىنداعى  جىل سايىنعى سىيلىق بيىل «2014 جىلعى باق-تىڭ تاڭداۋلى رەداكتورى» اتىمەن بەرىلدى. بيىلعى لاۋرەاتتار – «كازاحستانسكايا پراۆدا» رەس­پۋبليكالىق گازەتى» اكتسيونەرلىك قوعامى باسقارماسىنىڭ توراعاسى الەكساندر تاراكوۆ پەن اتىراۋ­دىڭ وڭىرلىك «ساحارا» گازەتىنىڭ باس رەداكتورى قۋاندىق باتىروۆ. الدىڭعى كۇنى الماتىدا سىي­لىقتىڭ جاڭا لاۋرەاتتارىن كونكۋرس ءجيۋريىنىڭ ءتور­اعا­سى, ۇلتىمىزدىڭ اسا كور­نەكتى اقىنى, قوعام قاي­رات­كەرى ولجاس سۇلەيمەنوۆ قۇت­تىقتادى. ءبىزدىڭ ارىپتەسىمىز – «كا­زاحستانسكايا پراۆدا» رەسپۋب­ليكالىق گازەتى» اكتسيونەرلىك قوعامى باسقارماسىنىڭ توراعاسى الەكساندر تاراكوۆتىڭ ەڭبەگىن جوعارى باعالاي كەلىپ, ولجاس ومار ۇلى جۋرناليستەر اۋلەتى بولىپ تابىلاتىن تاراكوۆتاردىڭ قالامگەرلىك داستۇرگە ادالدىعىن اتاپ ايتىپ, الەكساندر يۋرەۆيچ­تىڭ شىعارماشىلىعىنا جوعارى باعا بەردى. جۋرناليستىك جولىن «لەنينسكايا سمەنا» گازەتىندە باستاعان الەكساندر تاراكوۆ «كازاحستانسكايا پراۆدادا» جيىرما  جىل بويى جەمىستى جۇمىس ىستەپ كەلەدى. قازاقستان رەسپۋبليكاسى جۋرناليستيكا اكادەمياسىنىڭ اكادەميگى, قازاقستان جازۋشىلار وداعىنىڭ مۇشەسى بولىپ تابىلاتىن ونىڭ قالامىنان كوپتەگەن تاماشا كىتاپتار تۋعان. ارىپتەسىمىزدى جۋرنا­ليس­تي­كاداعى تاعى ءبىر جەڭىسىمەن قۇت­تىق­تاپ, جاڭا شىعارماشىلىق تابىستار تىلەيمىز. ەگەمەنقازاقستاندىقتار.