ءىس اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالدى. قىلمىستىق ءىس بويىنشا 27 ادام كۇدىككە ءىلىندى. ولار زورلىق-زومبىلىققا, بيلىك وكىلدەرىنىڭ زاڭدى تالاپتارىنا بەلسەندى باعىنباۋعا, ۇرلىققا, اتىس قارۋىن ۇرلاۋ جانە قر قىلمىستىق كودەكسىنىڭ باسقا دا باپتارى بويىنشا جاپپاي تارتىپسىزدىكتەرگە قاتىسقانى ءۇشىن ايىپتالدى.
وبلىستىق سوتتىڭ ءباسپاسوز قىزمەتى حابارلاعانداي, پروكۋراتۋرا سوتتالۋشىلاردىڭ ءىس-ارەكەتتەرىن ونشا اۋىر ەمەس قىلمىستىق قۇقىق بۇزۋشىلىقتارعا جىكتەۋ ءۇشىن جاڭا ايىپتاۋ اكتىسىن جاسادى. سوتتالۋشىلار, ءوز كەزەگىندە, ءىس بويىنشا جينالعان دالەلدەمەلەرگە داۋ ايتپاي, كىنالارىن مويىندادى.
ولارعا قاتىستى «راقىمشىلىق تۋرالى» زاڭ قولدانىلدى. بارلىق سوتتالۋشىلار سوت زالىندا بوساتىلدى.
ازامات يبراەموۆقا قاتىستى سوت قىلمىستاردىڭ قايتالانۋىن اۋىرلاتاتىن ءمان-جاي دەپ تانىدى. وعان قك-ءنىڭ 55-بابىنىڭ ءتورتىنشى بولىگىنىڭ نورماسىن قولدانا وتىرىپ, ءۇش جىل باس بوستاندىعىن شەكتەۋ تۇرىندەگى جازا تاعايىندالدى.
