ءىس-شاراعا سونداي-اق ۇيىمعا مۇشە مەملەكەتتەردىڭ سىرتقى ساياسي ۆەدومستۆولارىنىڭ باسشىلارى جانە ەىۇ مامانداندىرىلعان اگەنتتىكتەرىنىڭ جانە اوسشك, تمۇ جانە ت.ب. وڭىرلىك ۇيىمداردىڭ باسشىلارى قاتىستى.
وتىرىسقا قاتىسۋشىلار ەىۇ-عا مۇشە مەملەكەتتەردىڭ ساۋدا, ينۆەستيتسيالار, ازىق-ت ۇلىك قاۋىپسىزدىگى, ەكولوگيا, اۋىل شارۋاشىلىعى, ترانسپورتتىق دالىزدەر جانە ت.ب. سالالارداعى ءوزارا ءىس-قيمىلىنىڭ تيىمدىلىگىن ارتتىرۋ جونىندەگى كەڭ اۋقىمدى ماسەلەلەردى تالقىلادى. سونداي-اق ۇيىم كەڭىستىگىندە ەكونوميكالىق بايلانىستاردى ودان ءارى دامىتۋ جونىندە ۇسىنىستار ەنگىزدى.
سىمك قورىتىندىسى بويىنشا تاشكەنت كومميۋنيكەسى قابىلداندى. ول قازاقستاننىڭ ۇسىنىسى بويىنشا ەىۇ مەن ازياداعى ءوزارا ءىس-قيمىل جانە سەنىم شارالارى جونىندەگى كەڭەسى (اوسشك) اراسىنداعى ءوزارا ءىس-قيمىلدى دامىتۋدى كوزدەيدى. اوسشك-گە توراعا ەل رەتىندە قازاقستان وسى ۇسىنىستى ءىس جۇزىندە ىسكە اسىرۋعا جاردەمدەسۋگە دايىن ەكەنىن ءبىلدىردى.
اۋعانستانداعى وقيعالاردى ەسكەرە وتىرىپ, مينيستر م. تىلەۋبەردى ارىپتەس مەملەكەتتەردى وسى ەلدى ەىۇ شەڭبەرىندەگى وڭىرلىك ەكونوميكالىق پروتسەستەرگە بەلسەندى تارتۋعا شاقىردى. سوندىقتان قازاقستاننىڭ اۋعان حالقىنا ماتەريالدىق جانە گۋمانيتارلىق قولداۋ تۋرالى ايتتى.
سىمك شەڭبەرىندە قازاقستان وكىلى جاندوس اسانوۆ جاڭا 3 جىلدىق كەزەڭگە ەىۇ باس حاتشىسىنىڭ ورىنباسارى لاۋازىمىنا قايتا سايلاندى.
ءىس-شارا بارىسىندا كەڭەس 2023 جىلعا ارنالعان ەىۇ جۇمىس باعدارلاماسى مەن ءىس-شارالار كۇنتىزبەسىن ماقۇلدادى, سونداي-اق ەىۇ حاتشىلىعى مەن مامانداندىرىلعان ورگاندارىنىڭ قىزمەتى تۋرالى ەسەپتەر قابىلداندى, ۇيىمنىڭ جوبالاۋ قىزمەتى ماسەلەلەرى بويىنشا ۇسىنىمدار ازىرلەندى, 2023 جىلعا ارنالعان بيۋدجەت ماقۇلداندى.
ءىس-شارا اياسىندا قازاقستاننىڭ سىرتقى ساياسي ۆەدومستۆوسىنىڭ باسشىسى وزبەكستان, تاجىكستان سىرتقى ىستەر مينيسترلەرىمەن, سونداي-اق ەىۇ باس حاتشىسىمەن بولەك ەكىجاقتى كەزدەسۋلەر وتكىزدى.
