بالا تۋ كورسەتكىشىنىڭ تومەندەۋىنە قاتىستى ماسەلە ءبىرشاما ەلدەردى الاڭداتىپ وتىرعان جاعداي. اسىرەسە جاپونيا مەملەكەتىندە كۇرت تومەندەۋ بايقالعان. سوڭعى ون جىلدىڭ ىشىندە ورتاشا ءومىر ءسۇرۋ ۇزاقتىعى ءوسىپ, ەگدە ادامدار سانى ەداۋىر ارتقان. بۇل ادامداردىڭ ەڭبەككە جارامدىلىق دەڭگەيىن تومەندەتىپ, جۇمىسشىلار سانىنىڭ ازايۋىنا الىپ كەلەتىنىن بىلدىرەدى.
ستاتيستيكالىق مالىمەتكە سۇيەنسەك, جاپونيا 65 جاستان اسقان ادامداردىڭ ۇلەسى بويىنشا الەمدە ەكىنشى ورىندا تۇر. قازىرگى كەزدە جاپون ۇكىمەتىنىڭ الدىندا «ەڭبەككە قابىلەتتى قوعام بولا الامىز با, جوق پا؟» دەگەن ساۋال تۇر. سوڭعى جىلدارى بيلىك بالالارعا قاتىستى باعدارلامالارعا قارجىنى ەكى ەسە ۇلعايتقان. دەسە دە زەرتتەۋشىلەردىڭ بولجاۋىنشا, وسى عاسىردىڭ اياعىنا دەيىن جاپون حالقىنىڭ سانى 126 ميلليوننان 50 ميلليونعا دەيىن ازايادى.
«بالا تۋ كورسەتكىشىنىڭ تومەندەۋى بىرقاتار فاكتورلارعا بايلانىستى بولىپ وتىر, سونىڭ ىشىندە, قىمباتشىلىق پەن ايەلدەردىڭ جۇمىسباستىلىعى باستى سەبەپتەردىڭ ءبىرى رەتىندە انىقتالدى», دەيدى زەرتتەۋشى-جۋرناليست رۋپەرت ۋينگفيلد-حەيس.
ۇلتتىق ستاتيستيكا بيۋروسىنىڭ مالىمەتىنشە, وتكەن جىلى قازاقستاندا دا بالا تۋ كورسەتكىشى 11 پايىزعا تومەندەگەن.
ايتولعان ءجۇنىسحان,
ل.ن.گۋميلەۆ اتىنداعى ەۇۋ ستۋدەنتى
