باعدارلاما اياسىندا روبوتوتەحنيكا جانە ينفورماتيكا كابينەتتەرى, Intellectum حولل, STEM-زەرتحانا, ART-ستۋديا, تەلەستۋديا اشىلدى. مەكتەپ كىتاپحاناسى مۇعالىمدەر, وقۋشىلار جانە ءتىپتى اتا-انالار ءۇشىن قوسىمشا ءبىلىم بەرۋ رەسۋرستىق الاڭىنا اينالدى.
باعدارلاما ۇزدىك پەداگوگيكالىق تاجىريبەلەر مەن ادىستەمەلەردى ەنگىزۋ, تىرەك مەكتەپتەردى قاجەتتى ماتەريالدىق-تەحنيكالىق بازامەن قامتاماسىز ەتۋ ارقىلى اۋماقتىق جانە الەۋمەتتىك-ەكونوميكالىق بەلگىلەر بويىنشا ءبىلىم بەرۋ ساپاسىنىڭ الشاقتىعىن قىسقارتۋعا جاردەمدەسۋگە باعىتتالعان.
«بۇگىندە اۋىلدىق جانە قالالىق مەكتەپتەر اراسىندا الشاقتىق بايقالادى. ءبىلىم بەرۋ ساپاسى, اسىرەسە, اۋىلدى جەردە تومەندەپ كەلەدى. بۇل ماسەلەنى جۇيەلى جانە كەشەندى شەشۋ ءۇشىن «قازاقستان حالقىنا» قورى سەرىكتەستەرمەن بىرلەسە اۋىلدىق تىرەك مەكتەپتەردى دامىتۋ تۋرالى شەشىم قابىلداپ, ولاردىڭ ءىس جۇزىندە قۇزىرەتتىلىك ورتالىقتارىنا اينالىپ, باسقا مەكتەپتەردەگى وقىتۋ ساپاسىن ارتتىرۋعا ىقپال ەتۋى كەرەك. «اۋىلدىق جەرلەردەگى تىرەك مەكتەپتەردىڭ الەۋەتىن دامىتۋ» باعدارلاماسى اياسىندا ءبىز 17 اۋىلدىق تىرەك مەكتەپتەردى جابدىقتايمىز جانە ولارعا ادىستەمەلىك قولداۋ كورسەتەمىز. بۇگىنگى تاڭدا وڭىرلەردە 10 مەكتەپ جاراقتاندىرىلدى. وسىلايشا ول وقۋ ورىندارىنداعى ءبىلىم مەن داعدىلار جاقىن ماڭداعى شاعىن كومپلەكتىلى مەكتەپتەرگە باعىتتالادى. سەبەبى, بۇل مەكتەپتەردە ماتەريالدىق-تەحنيكالىق بازا مەن كادر ماسەلەسى وتە وزەكتى», دەپ اتاپ ءوتتى «قازاقستان حالقىنا» قوعامدىق قورى باسقارما توراعاسىنىڭ ورىنباسارى ءلاززات شىڭعىسباەۆا.
ماتەريالدىق-تەحنيكالىق بازانى جاڭارتۋ قور قاراجاتى ەسەبىنەن جالپى سوماسى 249,8 ملن تەڭگەگە جۇزەگە اسىرىلدى.
«بىزگە جاڭا مەكتەبىمىز ۇنايدى. بارلىعى ادەمى, جاڭا قۇرال-جابدىقتار بار. ءۇزىلىس كەزىندە ءبىز ءتۇرلى ويىندار وينايمىز. كىتاپحانادا كىتاپ وقۋمەن بىرگە ۋاقىتتى ءتيىمدى وتكىزەمىز. ءبىزدىڭ مەكتەپ – ەڭ ۇزدىك», دەدى 3 سىنىپ وقۋشىسى دانا اناربەكوۆا.
سونىمەن بىرگە, جوبانىڭ سەرىكتەستەرى – ءبىلىم بەرۋدى تۇراقتى دامىتۋ قورى مەن «نازارباەۆ زياتكەرلىك مەكتەپتەرى» دببۇ مەكتەپتەگى ءبىلىم بەرۋ ورتاسى مەن وقىتۋ ساپاسىن تالداۋ بويىنشا جۇمىستاردى اياقتادى. تالداۋ ناتيجەلەرى نەگىزىندە مەكتەپتى دامىتۋ, ءبىلىم بەرۋ ساپاسىن ارتتىرۋ بويىنشا ۇسىنىستار تىزبەلەندى, سونداي-اق مۇعالىمدەرگە قاجەتتى بىلىكتىلىكتى ارتتىرۋ كۋرستارى انىقتالدى.
«جوبامىز بەس مىندەتتى ورىنداپ وتىر. ولار – اۋىلدىق مەكتەپتەردە وقىتۋ تەحنولوگيالارىن جەتىلدىرۋ, تىرەك اۋىلدىق مەكتەپتەردى ماتەريالدىق-تەحنيكالىق جاراقتاندىرۋ, تىرەك مەكتەپتەردىڭ تاجىريبەسىن ءوڭىر مەكتەپتەرىنە, ونىڭ ىشىندە شاعىن جيناقتى مەكتەپتەرگە تاراتۋ. ءتورتىنشىسى – مەكتەپتى اۋىلدىڭ كوميۋنيتي ورتالىعى رەتىندە دامىتۋ. بەسىنشى – جاۋاپكەرشىلىك پەن بەي-جاي قاراماۋشىلىق سياقتى قوعامداعى مىنەز-ق ۇلىقتىڭ جاڭا مودەلىن بەلگىلەيتىن قۇندىلىقتاردىڭ دۇرىس جۇيەسى بار قامقور قازاقستاندىق قوعامداستىقتى قالىپتاستىرۋ», دەيدى ءبىلىم بەرۋدى تۇراقتى دامىتۋ قورىنىڭ ديرەكتورى دانيار توقتارباەۆ.
