2022 جىلعى قاڭتار–جەلتوقساندا كۇنباعىس مايى ءوندىرىسى 537,1 مىڭ توننانى قۇرادى, بۇل 2021 جىلدىڭ سايكەس كەزەڭىمەن سالىستىرعاندا 62,2%-عا ارتىق.
مۇنداي ايتارلىقتاي ءوسىم تازارتىلماعان كۇنباعىس مايى ءوندىرىسىنىڭ ءبىر جىلدا 2,1 ەسە, ياعني 376,7 مىڭ تونناعا دەيىن كوبەيۋى ەسەبىنەن بولىپ وتىر. تازارتىلعان كۇنباعىس مايىنىڭ ءوندىرىسى ءبىر جىلدا 8,7% عانا ءوسىپ, 160,4 مىڭ توننانى قۇرادى.
2022 جىلدىڭ قاڭتار–قازان ايلارىنىڭ قورىتىندىسى بويىنشا جەرگىلىكتى كومپانيالار كۇنباعىس مايىنا سۇرانىستى (ىشكى نارىقتاعى ساتۋ جانە ەكسپورت) 81,5% قامتاماسىز ەتتى. وسى كەزەڭدە ءونىم كولەمى 389,9 مىڭ تونناعا جەتىپ, 2021 جىلعى قاڭتار–قازانمەن سالىستىرعاندا 47,1%-عا كوبەيدى, يمپورت تا ءبىر جىلدا 28%-عا ءوسىپ 88,6 مىڭ توننانى قۇرادى.
ايتا كەتەيىك, كۇنباعىس مايىنىڭ ەكسپورتى بىردەن 2,5 ەسە ءوسىپ, 187,5 مىڭ تونناعا جەتتى (رەسۋرستاردىڭ 40%-عا جۋىعى). بۇل رەتتە ىشكى نارىقتاعى ساتىلىم 12% عانا ءوسىپ, 291,1 مىڭ توننانى قۇرادى.
2022 جىلدىڭ جەلتوقسان ايىنىڭ سوڭىندا كۇنباعىس مايى ءبىر ايدا 0,4%, ءبىر جىلدا 17,1% قىمباتتادى. ەسكە سالساق, 2021 جىلدىڭ جەلتوقسان ايىندا سەكتورداعى باعانىڭ ءبىر ايداعى ءوسىمى 0,1%, جىلدىق ءوسىم 30,1% بولعان.
وڭىرلەر بويىنشا كۇنباعىس مايى باعاسىنىڭ ءبىر جىلدىق قىمباتتاۋى سولتۇستىك قازاقستان وبلىسىندا 10%-دان قاراعاندى وبلىسىندا 25,1%-عا دەيىن اۋىتقيدى. باعانىڭ ايتارلىقتاي ءوسۋى سونداي-اق الماتىدا (23,4%) جانە ۇلىتاۋ وبلىسىندا (22,1%) بايقالدى.
2022 جىلعى جەلتوقساندا كۇنباعىس مايىنىڭ ورتاشا بولشەك ساۋدا باعاسى ليترىنە 910 تەڭگە بولدى.
كۇنباعىس مايى ەڭ قىمبات وڭىرلەر قوناەۆ پەن جەزقازعان قالالارى (1024 جانە 1003 تەڭگە). ەڭ ارزان قالا سەمەي مەن وسكەمەن (777 جانە 783 تەڭگە).
