شۋ اۋدانىنا قاراستى جاڭاجول اۋىلدىق وكرۋگىندەگى «ەلدورادو» شارۋا قوجالىعىنىڭ سۋ ايدىنىندا وتكەن بالىقشىلار دوداسىنا ءوز ءىسىنىڭ قاس شەبەرلەرى قاتىسىپ, دودا كوركىن قىزدىرا ءتۇستى.
بۇل كۇنى بالىقشىلار ءوزارا باسەكەگە ءتۇسىپ قانا قويماي, ءبىر-بىرىمەن ەمەن-جارقىن اڭگىمەلەسىپ, كوكەيدەگى ويلارىن ورتاعا سالدى. تۋرنير قورىتىندىسىندا شاتىرحان كەرىمبەكوۆ پەن قالداربەك سرايىلوۆ جارىسقا بەلسەنە قاتىسقانى ءۇشىن باعالى سىيلىقتارعا يە بولسا, ەرماحانبەت ەلۋباەۆ ۇزدىك ۇشتىكتەن كورىندى. سونداي-اق ەرجان ۆاحيتوۆكە ەكىنشى جۇلدە بۇيىرسا, نۇرجان قاسقاباي ءبىرىنشى ورىندى, سەرگەي مانسارين باس جۇلدەنى جەڭىپ الدى.
«جالپى العاندا, اۋدانىمىزدا بالىقشىلار دوداسى وتكەن جىلى العاش رەت قولعا الىنسا, بيىل لايىقتى تۇردە جالعاسىن تاۋىپ وتىر. قاتىسۋشىلار تاراپىنان قىزىعۋشىلىقتىڭ زور ەكەنىن ايقىن اڭعاردىق. تازا اۋاداعى جارىس ءارى دەمالىس سالاماتتى ءومىر سالتىن قالىپتاستىرۋعا دا زور ىقپال ەتەتىنى داۋسىز. ءىس-شارانى ۇيىمداستىرعان ازاماتتارعا ريزامىن. باستامانىڭ الداعى ۋاقىتتا دا ساتىمەن جالعاسىن تاباتىنىنا سەنىمىم كامىل», دەيدى شۋ اۋدانى اكىمىنىڭ ورىنباسارى باقىت اياز ۇلى ءوز ويىمەن ءبولىسىپ.
جامبىل وبلىسى,
شۋ اۋدانى
