مەملەكەت باسشىسىنا جىلۋ ورتالىعىنىڭ جابدىقتالۋى مەن قالانىڭ كوممۋنالدىق ينفراقۇرىلىمىنىڭ قازىرگى جاعدايى جونىندە مالىمەت بەرىلدى.
«ليساكوۆسكگوركوممۋنەنەرگو» كاسىپورنىنىڭ مەنشىگىندە ليساكوۆ قالاسىن جىلۋمەن قامتاماسىز ەتەتىن ورتالىق قازاندىق جانە قالاعا جاقىن وكتيابر كەنتىندە ورنالاسقان ەكى بلوكتى-مودۋلدى قازاندىق بار.
ليساكوۆ قالاسىنىڭ اكىمى اباي يبراەۆتىڭ ايتۋىنشا, جىلۋ ورتالىعى 1968-78 جىلدارى پايدالانۋعا بەرىلگەن. ورتالىقتاعى سۋ جىلىتۋ قازاندىقتارى سوڭعى رەت 2020 جىلى كۇردەلى جوندەۋدەن وتكەن. ولاردىڭ ورتاشا توزۋ دەڭگەيى 51 پايىزعا جەتكەن. سوندىقتان تاياۋ جىلدارى سۋ جىلىتۋ قازاندىقتارىنا كۇردەلى جوندەۋ جۇرگىزۋ جوسپارلانىپ وتىر.
ال جالپى ۇزىندىعى 112 كيلومەتر جىلۋ جەلىسىنىڭ توزۋ دەڭگەيى 41%-دى قۇرايدى. 2012 جىلدان بەرى «شاعىن جانە مونوقالالاردى دامىتۋ» باعدارلاماسى اياسىندا جىلۋ جەلىلەرىنىڭ ينفراقۇرىلىمىنا قاتىستى 8 جوبا جۇزەگە اسقان. سونىڭ ناتيجەسىندە توزۋ دەڭگەيى 7 پايىزعا قىسقارىپ, 41 پايىزعا دەيىن تومەندەگەن. سوڭعى بەس جىلدا جىلۋ قۇبىرلارىنداعى اپاتتار سانى ەكى ەسە قىسقارعان. قالا اكىمىنىڭ ايتۋىنشا, الداعى ۋاقىتتا جىلۋ جەلىسى مەن قالانىڭ باسقا دا كوممۋنالدىق ينفراقۇرىلىمىن جاڭعىرتۋ جۇمىستارى جالعاسىن تابادى.
مەملەكەت باسشىسى تۇرعىن ءۇي-كوممۋنالدىق شارۋاشىلىق سالاسىنىڭ ستراتەگيالىق ماڭىزى زور ەكەنىنە نازار اۋدارىپ, قالا مەن وبلىس اكىمدەرىنە جىلىتۋ ماۋسىمىنا دايىندىق ماسەلەسىمەن جۇيەلى تۇردە اينالىسۋدى تاپسىردى.
