مەملەكەت باسشىسى رۋدنىيداعى جىلۋ قۇبىرىنداعى جارىلىس سالدارىمەن تانىسىپ, ءوڭىر باسشىلىعىنىڭ قالپىنا كەلتىرۋ جۇمىستارى تۋرالى بايانداماسىن تىڭدادى.
«جالپى, ەلىمىز بويىنشا دا, وسى وبلىستا دا جىلۋ قۇبىرلارى اپاتتى جاعدايدا تۇر. جاعداي وتە اۋىر. ۇكىمەتكە بۇگىننەن باستاپ, اسىرەسە كوكتەم جانە جاز ايلارىندا قىسقى جىلىتۋ ماۋسىمىنا مۇقيات دايىندالۋدى تاپسىرامىن. بۇل – اتقاراتىن باستى مىندەت, سەبەبى مۇنى سوزبالاڭعا سالۋعا بولمايدى. جەلىلەردىڭ توزۋ دەڭگەيى وتە جوعارى, 70, 80, كەيبىر جەرلەردە ءتىپتى 90 پايىزعا دەيىن جەتەدى. وسى جۇمىستارمەن اينالىسۋ قاجەت», دەپ قاداپ ايتتى پرەزيدەنت.
