قالا اكىمدىگىنىڭ مالىمەتىنشە, مارعۇلان, 1, ءماشھۇر ءجۇسىپ, 58/1, اۋەزوۆ, 61/1, مولداعۇلوۆا جانە شىعىس وتكەلدەرى, 12-جەلىلىك وتكەل, شەۆچەنكو, 30, وڭتۇستىك وتكەل, 8 كوشەلەرى بويىنشا جىلۋمەن جابدىقتاۋ جەلىلەرىنىڭ اقاۋلى ۋچاسكەلەرى اۋىستىرىلادى.
تۇرعىن ۇيلەردەگى جىلۋمەن جابدىقتاۋدى ءوشىرۋ 3-تەن 8 ساعاتقا دەيىن سوزىلادى. جوندەۋ جۇمىستارىنا 37 ادام مەن 5 ارنايى تەحنيكا جۇمىلدىرىلادى.
«بارلىق جوندەۋ جۇمىستارى اياقتالعاننان كەيىن جىلۋمەن جابدىقتاۋ قالپىنا كەلتىرىلەدى», دەلىنگەن حابارلامادا.
بۇرىن حابارلانعانداي, قالانىڭ جىلۋ جەلىلەرىندە 131 زاقىم جويىلدى, قالعان 23-ءى الداعى 10 كۇندە جويىلادى دەپ كۇتىلەدى.
