ايگىلى قاراشىعاناق كەنىشى ورنالاسقان ءوڭىردىڭ الەۋەتى ۇلكەن. مونوقالالار قاتارىنا جاتاتىن اقسايدا مۇناي-گاز سالاسىنا قاتىستى كوپتەگەن ءىرى جوبالار جۇزەگە اسىرىلۋدا. باتىس قازاقستان وبلىسىنا جۇمىس ساپارىمەن كەلگەن مۇناي جانە گاز ءمينيسترى ۇزاقباي قارابالين وسى نىسانداردىڭ بىرقاتارىن ارالادى. اقسايدىڭ يندۋستريالىق پاركىندە بولعان كەزدە ول باستى نازاردى قازاقستاندىق ۇلەسكە اۋدارۋ قاجەتتىگىن قاداپ ايتتى. «قۇراستىرىلاتىن قاجەتتى بولشەكتەردىڭ نەگىزگى بولىگىن شەتەلدەن اكەلۋدى ازايتىپ, وبلىس كاسىپورىندارىندا جاساۋ ماسەلەسىنە كىرىسۋ كەرەك», دەدى مينيستر. كۇنى بۇگىن قۇنى 1,4 ملرد. تەڭگە قۇرايتىن پاركتە 64 جاڭا جۇمىس ورنى اشىلعان. جۇمىسشىلار مۇناي-گاز سالاسىنا قاجەتتى ۇڭعىمانى گيدراۆليكالىق باسقارۋ پانەلدەرىن, كلاپانداردى, جوعارى قىسىمدى قۇبىر دەتالدارىن, ءورت قاۋىپسىزدىگى دابىلى جۇيەسىن, قورشاعان ورتانى لاستاۋدان ساقتايتىن قوندىرعىلاردى قۇراستىرۋدى جەتىك مەڭگەرگەن. ءبىر سوزبەن ايتقاندا, يندۋستريالىق پارك زاماناۋي قىزمەت تۇرلەرىن شەتەلدىك جانە وتاندىق ارىپتەستەرىنە جوعارى ساپامەن كورسەتۋگە مۇددەلى. وبلىس اكىمدىگىنىڭ جانە PSA جشس-ءنىڭ قولداۋىمەن پارك كپو ب.ۆ. كومپانياسىنان 6 ملن. اقش دوللارىنىڭ ەكى جوباسىن جەڭىپ الىپتى. «كەنىشتى يگەرۋشى اليانسپەن ارادا «جول كارتاسىنا» قول قويدىق. الداعى ۋاقىتتا ونىڭ شەڭبەرىنە كىرەتىن كوپتەگەن شارۋالاردى بىرلەسىپ اتقاراتىن بولامىز», دەدى پارك باسشىلىعى.
قاراشىعاناق كەنىشىن يگەرۋشى كپو ب.ۆ. كومپانياسىنىڭ باس ديرەكتورى داميانو راتتيمەن كەزدەسۋ بارىسىندا ۇزاقباي قارابالين كومپانيانىڭ باس كەڭسەسىن اقسايدان ورالعا كوشىرۋ كەرەكتىگىن قاپەرگە سالدى. «بۇل ىسكەرلىك تۇرعىسىنان ايرىقشا ماڭىزدى شەشىم بولادى. مەن كەشە عانا اقتوبەدە «سنپس-اقتوبەمۇنايگاز» كاسىپورنىنىڭ جاڭادان سالعان عيماراتىن ارالاپ كوردىم. وتە ىڭعايلى, ءارى قالاعا كورىك بەرىپ تۇر. سوندىقتان سىزدەردى دە وسى باستامانى قولداۋعا شاقىرامىن», دەدى مينيستر.
كەزدەسۋ بارىسىندا باتىس قازاقستان وبلىسىنىڭ اكىمى نۇرلان نوعاەۆ كپو ب.ۆ. باسشىلىعىنا قۇرىلىس جۇمىستارىن قارجىلاندىرۋ سۇراقتارىن سوزبۇيداعا سالماي, قىسقا مەرزىمدە شەشۋدى ۇسىندى. «وبلىستا قۇرىلىس ماۋسىمى ەرتە كوكتەمدە باستالىپ, قارا كۇزگە دەيىن جالعاسادى. ال سىزدەر الەۋمەتتىك جوباعا بولىنەتىن قارجى ماسەلەسىن شەشۋدى ۇدايى كەشىكتىرەسىزدەر. ناتيجەسىندە قۇرىلىستىڭ مەرزىمى ءوتىپ كەتەدى دە, قىستا باستالادى. ول ساپاعا دا كەرى اسەرىن تيگىزەدى. ءتىپتى, كەي سۇراقتاردى تىكەلەي كومپانيا باسشىلىعىنا قوڭىراۋ شالۋ ارقىلى شەشۋگە تۋرا كەلەدى. وبلىس اكىمى ىلعي كپو ب.ۆ باسشىلىعىنا قوڭىراۋ شالىپ وتىرسا, مۇنىمەن ءىس بىتە مە؟ سوندىقتان, ءبارى كەلىسىلگەن مەرزىمدە, زاڭ شەڭبەرىندە اتقارىلۋى كەرەك», دەدى نۇرلان اسقار ۇلى.
باتىس قازاقستان مۇناي-گازعا باي بولا تۇرا ءالى كۇنگە دەيىن سىرتتان اكەلىنەتىن بەنزين مەن ديزەل وتىنىنا تاۋەلدى ەكەندىگى بەلگىلى. وسى ماسەلەنى تاياۋ ارادا وتاندىق «كوندەنسات» اق شەشەمىز دەپ وتىر. جاڭا جوبا تۋرالى مينيسترگە اكتسيونەرلىك قوعام باسشىسى ۆالەري ءجۇنىسوۆ بايانداپ بەردى.
توقتار عابدىرەش ۇلى,
جۋرناليست,
تەمىر قۇسايىن,
«ەگەمەن قازاقستان».
باتىس قازاقستان وبلىسى,
ءبورلى اۋدانى.
ايگىلى قاراشىعاناق كەنىشى ورنالاسقان ءوڭىردىڭ الەۋەتى ۇلكەن. مونوقالالار قاتارىنا جاتاتىن اقسايدا مۇناي-گاز سالاسىنا قاتىستى كوپتەگەن ءىرى جوبالار جۇزەگە اسىرىلۋدا. باتىس قازاقستان وبلىسىنا جۇمىس ساپارىمەن كەلگەن مۇناي جانە گاز ءمينيسترى ۇزاقباي قارابالين وسى نىسانداردىڭ بىرقاتارىن ارالادى. اقسايدىڭ يندۋستريالىق پاركىندە بولعان كەزدە ول باستى نازاردى قازاقستاندىق ۇلەسكە اۋدارۋ قاجەتتىگىن قاداپ ايتتى. «قۇراستىرىلاتىن قاجەتتى بولشەكتەردىڭ نەگىزگى بولىگىن شەتەلدەن اكەلۋدى ازايتىپ, وبلىس كاسىپورىندارىندا جاساۋ ماسەلەسىنە كىرىسۋ كەرەك», دەدى مينيستر. كۇنى بۇگىن قۇنى 1,4 ملرد. تەڭگە قۇرايتىن پاركتە 64 جاڭا جۇمىس ورنى اشىلعان. جۇمىسشىلار مۇناي-گاز سالاسىنا قاجەتتى ۇڭعىمانى گيدراۆليكالىق باسقارۋ پانەلدەرىن, كلاپانداردى, جوعارى قىسىمدى قۇبىر دەتالدارىن, ءورت قاۋىپسىزدىگى دابىلى جۇيەسىن, قورشاعان ورتانى لاستاۋدان ساقتايتىن قوندىرعىلاردى قۇراستىرۋدى جەتىك مەڭگەرگەن. ءبىر سوزبەن ايتقاندا, يندۋستريالىق پارك زاماناۋي قىزمەت تۇرلەرىن شەتەلدىك جانە وتاندىق ارىپتەستەرىنە جوعارى ساپامەن كورسەتۋگە مۇددەلى. وبلىس اكىمدىگىنىڭ جانە PSA جشس-ءنىڭ قولداۋىمەن پارك كپو ب.ۆ. كومپانياسىنان 6 ملن. اقش دوللارىنىڭ ەكى جوباسىن جەڭىپ الىپتى. «كەنىشتى يگەرۋشى اليانسپەن ارادا «جول كارتاسىنا» قول قويدىق. الداعى ۋاقىتتا ونىڭ شەڭبەرىنە كىرەتىن كوپتەگەن شارۋالاردى بىرلەسىپ اتقاراتىن بولامىز», دەدى پارك باسشىلىعى.
قاراشىعاناق كەنىشىن يگەرۋشى كپو ب.ۆ. كومپانياسىنىڭ باس ديرەكتورى داميانو راتتيمەن كەزدەسۋ بارىسىندا ۇزاقباي قارابالين كومپانيانىڭ باس كەڭسەسىن اقسايدان ورالعا كوشىرۋ كەرەكتىگىن قاپەرگە سالدى. «بۇل ىسكەرلىك تۇرعىسىنان ايرىقشا ماڭىزدى شەشىم بولادى. مەن كەشە عانا اقتوبەدە «سنپس-اقتوبەمۇنايگاز» كاسىپورنىنىڭ جاڭادان سالعان عيماراتىن ارالاپ كوردىم. وتە ىڭعايلى, ءارى قالاعا كورىك بەرىپ تۇر. سوندىقتان سىزدەردى دە وسى باستامانى قولداۋعا شاقىرامىن», دەدى مينيستر.
كەزدەسۋ بارىسىندا باتىس قازاقستان وبلىسىنىڭ اكىمى نۇرلان نوعاەۆ كپو ب.ۆ. باسشىلىعىنا قۇرىلىس جۇمىستارىن قارجىلاندىرۋ سۇراقتارىن سوزبۇيداعا سالماي, قىسقا مەرزىمدە شەشۋدى ۇسىندى. «وبلىستا قۇرىلىس ماۋسىمى ەرتە كوكتەمدە باستالىپ, قارا كۇزگە دەيىن جالعاسادى. ال سىزدەر الەۋمەتتىك جوباعا بولىنەتىن قارجى ماسەلەسىن شەشۋدى ۇدايى كەشىكتىرەسىزدەر. ناتيجەسىندە قۇرىلىستىڭ مەرزىمى ءوتىپ كەتەدى دە, قىستا باستالادى. ول ساپاعا دا كەرى اسەرىن تيگىزەدى. ءتىپتى, كەي سۇراقتاردى تىكەلەي كومپانيا باسشىلىعىنا قوڭىراۋ شالۋ ارقىلى شەشۋگە تۋرا كەلەدى. وبلىس اكىمى ىلعي كپو ب.ۆ باسشىلىعىنا قوڭىراۋ شالىپ وتىرسا, مۇنىمەن ءىس بىتە مە؟ سوندىقتان, ءبارى كەلىسىلگەن مەرزىمدە, زاڭ شەڭبەرىندە اتقارىلۋى كەرەك», دەدى نۇرلان اسقار ۇلى.
باتىس قازاقستان مۇناي-گازعا باي بولا تۇرا ءالى كۇنگە دەيىن سىرتتان اكەلىنەتىن بەنزين مەن ديزەل وتىنىنا تاۋەلدى ەكەندىگى بەلگىلى. وسى ماسەلەنى تاياۋ ارادا وتاندىق «كوندەنسات» اق شەشەمىز دەپ وتىر. جاڭا جوبا تۋرالى مينيسترگە اكتسيونەرلىك قوعام باسشىسى ۆالەري ءجۇنىسوۆ بايانداپ بەردى.
توقتار عابدىرەش ۇلى,
جۋرناليست,
تەمىر قۇسايىن,
«ەگەمەن قازاقستان».
باتىس قازاقستان وبلىسى,
ءبورلى اۋدانى.
سوڭعى جاڭالىقتار
استانادا مەكتەپ اۋماعىندا جانجالداسقاندار جاۋاپكەرشىلىككە تارتىلدى
زاڭ مەن ءتارتىپ • كەشە
تاەكۆوندودان الەم چەمپيوناتى: قازاق قىزى توپ جاردى
سپورت • كەشە
قۇس ساڭعىرىعىنان «جاسىل» ەنەرگيا ءوندىرىلدى
شارۋاشىلىق • كەشە
الماتىدا تۇرعىن ءۇي ورتىنەن ءتورت ادام قۇتقارىلدى
وقيعا • كەشە
