مالدىڭ قامى – جاننىڭ قامى

وڭىردە جالپى 470 مال قىس­تاۋى بار. اۋداندا ازىرلەن­گەن مال ازىعىنىڭ 80 پايى­زى سول قىس­تاۋلارعا جەتكىزىلىپ, جينالعان.

«مال قىستاتۋ ناۋقانىن تۇراقتى باقىلاپ وتىراتىن اۋىلدىق وكرۋگ اكىمدەرىنىڭ جانى­نان ارنايى شتاب قۇرىل­عان. ونىڭ قۇرامىنا ۆەتەرينارلار مەن دارىگەرلەر, ءىىب قىز­مەتكەرلەرى, وكرۋگ اكىم­دەرىنىڭ ماماندارى سياقتى جاۋاپتى تۇلعالار ەنگىزىلگەن. اي سايىن كەم دەگەندە ەكى مارتە شتاب مۇشەلەرى قىستاۋلاردى ارالاپ, مال مەن مالشىلاردىڭ جاي-كۇيىمەن تانىسىپ وتىرامىز», دەيدى اۋداندىق اۋىل­شارۋاشىلىق ءبولىمىنىڭ باس مامانى ەرمەك قوناقباەۆ.

وڭىردە كەيىنگى جىلدارى ءتورت ت ۇلىك سانى ەسەلەپ ءوستى. بۇگىنگى تاڭدا 284 مىڭنان اسا قوي-ەشكى, 89 مىڭنان اسا ءىرى قارا, 20 مىڭنان اسا جىلقى جانە 350 تۇيە بار. وسى ورايدا سوڭعى جىلدارى اسىل تۇقىمدى مال وسىرەتىن شارۋا قوجالىقتارىنىڭ سانى 10-نان 34-كە كوبەيگەنىن ايتا كەتكەن ءجون.

بىلتىر تالدى اۋىلدىق وكرۋ­گىندەگى نۇرداۋلەت ناي­مان­­باەۆ 100 اسىل تۇقىمدى قال­ماق سيىرىن, باسقۇنشى اۋى­لىنداعى باقىت جاقىپبەكوۆ 58 «سيمەنتال» اسىل تۇقىمدى قۇناجىن ساتىپ الىپ, قازىر ءوز ءتولى ەسەبىنەن كوبەيتىپ وتىر. «كوكتال اگرو» جشس 1150 ساۋىن سيىرعا لايىقتالعان ءسۇت فەر­ماسىن سالىپ, ىسكە قوستى. قازىر مۇندا اۋستراليادان شۆەد تۇقىمدى 473 قۇناجىن اكەلىنىپ, سونىڭ بۇزاۋلاعان 245-ءى ساۋى­لىپ, كۇن سايىن 6 توننا ءسۇت تالدىقورعانداعى ءسۇت وڭدەۋ زاۋىتىنا جونەلتىلەدى. وسىنداي ءىس-قيمىل «ەرنار» جشق-دا جاسالادى. مۇندا وتكەن جىلى اعىلشىن تۇقىمدى 523 «Jersi» ءسۇتتى سيىرىن اكەلىپ, 250-دەن استامىن ساۋىپ, اپتاسىنا 8 توننادان اسا ءسۇت وتكىزىپ وتىر.

مال شارۋاشىلىعىنداعى الدا تۇرعان تاعى ءبىر ماڭىزدى ماسەلە – كوكتەمگى مال تولدەتۋ ناۋقانى. كۇزدە جاركەنت وڭىرىندە 130 مىڭنان اسا ساۋلىق اسىل تۇقىمدى قوشقاردان الىنعان ۇرىقپەن قولدان قاشىرىلدى. بۇل ساۋلىقتار الداعى ناۋرىز ايىندا تولدەي باستاماق.

قورىتا ايتساق, جاركەنت وڭىرىندەگى ءتورت ت ۇلىكتىڭ قىس­تان شەلدى شىعارىنا ما­مان­دار مەن مالشىلار سەنىمدى. «شەلدى مال – ءتولدى» دەگەندەي, بۇل دا ەل ىرىسىن ەسەلەر بەرەكە باستاۋى.

جەتىسۋ وبلىسى