اسسامبلەيا اياسىنداعى اڭگىمە

كەشە باكۋدە باستالعان تۇركىتىلدەس ەلدەر پارلامەنتتىك اسسامبلەياسى شارالارى اياسىندا قازاقستاندىق پارلا­مەنت­شىلەر دەلەگاتسياسىنىڭ باسشىسى, ءماجىلىس توراعاسى قابي­بوللا جاقىپوۆ تۇركيا ۇلى ۇلتتىق جينالىسىنىڭ توراعاسى دجەميل چيچەكپەن كەزدەستى, دەپ حابارلادى ءما­جىلىستىڭ ءباسپاسوز قىزمەتى. تاراپتار حالىقارالىق بىرلەس­تىكتەر اياسىندا ەتەنە ىنتى­ماق­تاستىق پەن ءوزارا قولداۋدىڭ ەلدەر اراسىنداعى ستراتەگيالىق قاتى­ناسپەن سايكەس كەلەتىنىن العا تارتا وتىرىپ, ءوزارا ءىس-قيمىلدى ودان ءارى كۇشەيتۋدىڭ جاڭا قىرلارىن ءسوز ەتتى. قابيبوللا جاقىپوۆ قازاق­ستان­نىڭ حالىقارالىق باستامالارىنا, سونىڭ ىشىندە, استانادا ەكسپو-2017 كورمەسىن وتكىزۋگە قولداۋ كورسەتكەنى ءۇشىن تۇركيا تاراپىنا العىسىن ءبىلدىردى. ءوز كەزەگىندە دجەميل چيچەك قا­زاقستان پرەزيدەنتى نۇرسۇلتان نازارباەۆتىڭ ساياسي باعىتىنىڭ مويىندالعاندىعىن, ول ءبىزدىڭ ەلدەرىمىزدى ودان ءارى قارقىندى دامىتۋعا ىقپال ەتەتىنىن ايتا كەلىپ, قازاقستان – تۇركيا ىنتى­ماق­تاستىعىنىڭ تەك ەكى ەل عانا ەمەس, بۇكىل تۇركىتىلدەس مەملەكەتتەر ءۇشىن تيىمدىلىگىنىڭ زور ەكەنىن اتاپ ءوتتى. ول تۇركيا كەلەشەكتە دە قا­زاق­ستاننىڭ حالىقارالىق باستامالارىن قولداۋعا دايىن ەكەنىن جەتكىزدى. ال پارلامەنتارالىق ىنتى­ماق­تاستىق جايىن ءسوز ەتكەندە قابي­بوللا جاقىپوۆ وتكەن جىلى انكارادا قول قويىلعان تۇركيا ۇلى ۇلتتىق جينالىسى مەن قازاقستان پارلامەنتى ءماجىلىسى اراسىنداعى ىنتىماقتاستىق تۋرالى كەلىسىمنىڭ ماڭىزدىلىعىنا توقتالدى. سونداي-اق, ول تۇركيانىڭ تۇركپا توراعالىعىنا جوعارى باعا بەرە كەلىپ, الداعى ۋاقىتتا دا تۇركىتىلدەس ەلدەر اراسىنداعى پارلامەنتارالىق ىقپالداستىققا قاتىستى ءار سالادا ءتۇرلى شارالاردى وتكىزۋدىڭ داستۇرگە اينالاتىنىن جانە ونى ۇيىمعا مۇشە بارلىق مەملەكەتتەردىڭ قولدايتىنىن جەتكىزدى.