قورعانىس ءمينيسترى سەرىك احمەتوۆ جۇمىس ساپارىمەن الماتى گورنيزونىندا بولدى. وڭىرگە بارعان كەزىندە مينيستر قورعانىس-ونەركاسىپتىك كەشەننىڭ كاسىپورىندارىن, ارناۋلى ماقساتتاعى اسكەري بولىمدەردى ارالاپ كوردى.
س.احمەتوۆ, سونداي-اق, «ارىستان» مامانداندىرىلعان ليتسەيىندە بولىپ, اسكەري ءبىلىم بەرۋ مەكەمەسىنىڭ ەكىنشى تۇلەكتەرى اتانعالى وتىرعان تاربيەلەنۋشىلەردى سالتاناتتى شىعارىپ سالۋ ءىس-شاراسىنا قاتىستى.
نۇرسۇلتان نازارباەۆتىڭ ءبىلىم بەرۋ قورىنىڭ قارجىسىنا سالىنعان «ارىستان» ليتسەيىندە ەلىمىزدىڭ بارلىق وڭىرلەرىنەن دارىندى جاسوسپىرىمدەر وقيدى. وقۋشىلاردىڭ كوپشىلىگى – پاندىك وليمپيادالار بويىنشا حالىقارالىق جانە رەسپۋبليكالىق جارىستاردىڭ جەڭىمپازدارى.
سالتاناتتى ءراسىم باستالار الدىندا سەرىك احمەتوۆ, مەكەمەنىڭ قامقورشىلار كەڭەسىنىڭ توراعاسى تيمۋر ق ۇلىباەۆ, بعم-ءنىڭ جاۋاپتى حاتشىسى ءاليا عالىموۆا, اقش-تىڭ قازاقستانداعى ۋاقىتشا سەنىمدى وكىلى دجون وردۆەي, سونداي-اق, بىرقاتار شەت مەملەكەتتەردىڭ اسكەري اتتاشەلەرى ليتسەيدىڭ كابينەتتەرىن, سپورتتىق بازاسىن, اسحاناسىن, مەديتسينالىق ورتالىعى مەن جاتاقحاناسىن كورىپ شىقتى.
مەيمانداردىڭ كوزدەرى جەتكەنىندەي, كازارمالىق نەگىزدەگى ارنايى مەكتەپتە اسكەري ماماندىققا تاربيەلەنۋشىلەر مەن فيزيكا-ماتەماتيكا پاندەرىنە ىڭعايى بار بالالارعا وقۋ ۇدەرىستەرى ءۇشىن بارىنشا جاقسى جاعداي جاسالعان. كەڭ دە جارىق اۋديتوريالار, جاڭا قۇرال-جابدىقتار ورناتىلعان زەرتحانالار, باي كىتاپحانا قورى قاي كەزدە دە وقۋشىلاردىڭ يگىلىگىندە. وقۋ جانە تاماق تەگىن. ونىڭ ۇستىنە جاقسى وقيتىندارعا اي سايىن ستيپەنديا اۋدارىلىپ تۇرادى.
تالىمگەرلەر بۇل كۇندى كەڭ كولەمدە اتاپ ءوتتى. مەرەكە ۇرلەمەلى وركەستردىڭ ۇنىمەن سالتاناتتى ساپ تۇزۋدەن باستالدى. جاسوسپىرىمدەردى ليتسەيدى ءبىتىرۋلەرىمەن قۇتتىقتاعان قورعانىس ءمينيسترى وتكەن جىلى ليتسەيدىڭ العاشقى شىعارىلىمى بولعانىن ەسكە سالدى. بۇگىندە «ارىستاننىڭ» كوپتەگەن تاربيەلەنۋشىلەرى شەتەلدىك جانە وتاندىق جەتەكشى اسكەري جوو-لاردا, ءىىم, ۇقك اكادەميالارىندا, قارجى پوليتسياسىندا, سونىمەن قاتار, نازارباەۆ ۋنيۆەرسيتەتىندە وقۋلارىن جالعاستىرۋدا.
بۇعان ليتسەيدە حالىقارالىق ستاندارتتارعا جاۋاپ بەرەتىن زاماناۋي ءبىلىم بەرۋ بازاسىنىڭ بولۋى ارقاسىندا قول جەتكىزىلىپ وتىر. مۇندا تاجىريبەلى دە جوعارى بىلىكتى پەداگوگتار جۇمىس ىستەيدى. ولار ارقاشان وقۋشىلارىنىڭ بويىندا تۇلعالىق قاسيەتتەردى قالىپتاستىرۋعا باسا كوڭىل بولەدى. وزدەرىنىڭ ومىرلەرىن اسكەري قىزمەتپەن بايلانىستىرعىسى كەلەتىن جاستار ءۇشىن مۇنداي قاسيەتتەردىڭ قاجەت ەكەنى ايتپاسا دا تۇسىنىكتى.
تالىمگەرلەرگە قاراتا ايتقان سوزىندە س.احمەتوۆ: «ارىستان» ليتسەيى شىن مانىندە ءوز بولاشاعىن اسكەري قىزمەتپەن بايلانىستىراتىنداردى تاربيەلەيدى. قارۋلى كۇشتەردىڭ كادرلىق وفيتسەرى بولۋدى, تۋعان ەلىنىڭ قاۋىپسىزدىگىن نىعايتۋعا ۇلەس قوسۋدى ارماندايتىندارعا ارنالعان مەكتەپ بولىپ تابىلادى», – دەدى. ال, ءوز كەزەگىندە, ت.ق ۇلىباەۆ تا ءسوز ارناپ, تالىمگەرلەردىڭ لايىقتى وتان قورعاۋشىلار بولۋىنا تىلەكتەستىگىن ءبىلدىردى. وسى ارادا ايتا كەتەتىن ءبىر جايت – وقۋ وزاتتارى دانيار يمانقۇلوۆ پەن ابىلاي ورازحانوۆ قازىردىڭ وزىندە اقش-تىڭ اسكەري-تەڭىز كۇشتەرى مەن اسكەري-اۋە كۇشتەرى اكادەميالارىنا وقۋعا ءتۇسىپ ۇلگەرسە, نۇربەك رىسقوجاەۆ, كونستانتين ماكاروۆ, شىمبولات قايىربەكوۆ جانە ايبەك كەرىمبەك قۇجاتتارىن رەسەيدىڭ, تۇركيانىڭ, بەلارۋستىڭ اسكەري ينستيتۋتتارىنا جىبەرىپتى.
اتتەستاتتار مەن توسبەلگىلەردى تاپسىرۋ راسىمىنەن سوڭ ءتالىمگەرلەر مەيماندارعا ساپتا ءجۇرۋ ماشىقتارىن كورسەتتى. پلاتس ءۇستىندە ا.جۇبانوۆ اتىنداعى رەسپۋبليكالىق مۋزىكا مەكتەبى وقۋشىلارى ۇلت-اسپاپتار وركەسترىنىڭ شاعىن كونتسەرتى قويىلدى. سازگەر بالالار تالىمگەرلەر ءۆالسىن قۇيقىلجىتا ورىنداعانىنان كەيىن تالىمگەرلەر اللەياسى اۋماعىندا 2024 جىلدىڭ ليتسەيشىلەرى ءۇشىن تىلەكتەر جازىلعان قۇتى-كاپسۋلا سالىندى. سالتاناتتى شارا كەشقۇرىم مەرەكەلىك بالمەن جانە جاستار ديسكوتەكاسىمەن مارەسىنە جەتتى.
«ەگەمەن-اقپارات».
س.احمەتوۆ, سونداي-اق, «ارىستان» مامانداندىرىلعان ليتسەيىندە بولىپ, اسكەري ءبىلىم بەرۋ مەكەمەسىنىڭ ەكىنشى تۇلەكتەرى اتانعالى وتىرعان تاربيەلەنۋشىلەردى سالتاناتتى شىعارىپ سالۋ ءىس-شاراسىنا قاتىستى.
نۇرسۇلتان نازارباەۆتىڭ ءبىلىم بەرۋ قورىنىڭ قارجىسىنا سالىنعان «ارىستان» ليتسەيىندە ەلىمىزدىڭ بارلىق وڭىرلەرىنەن دارىندى جاسوسپىرىمدەر وقيدى. وقۋشىلاردىڭ كوپشىلىگى – پاندىك وليمپيادالار بويىنشا حالىقارالىق جانە رەسپۋبليكالىق جارىستاردىڭ جەڭىمپازدارى.
سالتاناتتى ءراسىم باستالار الدىندا سەرىك احمەتوۆ, مەكەمەنىڭ قامقورشىلار كەڭەسىنىڭ توراعاسى تيمۋر ق ۇلىباەۆ, بعم-ءنىڭ جاۋاپتى حاتشىسى ءاليا عالىموۆا, اقش-تىڭ قازاقستانداعى ۋاقىتشا سەنىمدى وكىلى دجون وردۆەي, سونداي-اق, بىرقاتار شەت مەملەكەتتەردىڭ اسكەري اتتاشەلەرى ليتسەيدىڭ كابينەتتەرىن, سپورتتىق بازاسىن, اسحاناسىن, مەديتسينالىق ورتالىعى مەن جاتاقحاناسىن كورىپ شىقتى.
مەيمانداردىڭ كوزدەرى جەتكەنىندەي, كازارمالىق نەگىزدەگى ارنايى مەكتەپتە اسكەري ماماندىققا تاربيەلەنۋشىلەر مەن فيزيكا-ماتەماتيكا پاندەرىنە ىڭعايى بار بالالارعا وقۋ ۇدەرىستەرى ءۇشىن بارىنشا جاقسى جاعداي جاسالعان. كەڭ دە جارىق اۋديتوريالار, جاڭا قۇرال-جابدىقتار ورناتىلعان زەرتحانالار, باي كىتاپحانا قورى قاي كەزدە دە وقۋشىلاردىڭ يگىلىگىندە. وقۋ جانە تاماق تەگىن. ونىڭ ۇستىنە جاقسى وقيتىندارعا اي سايىن ستيپەنديا اۋدارىلىپ تۇرادى.
تالىمگەرلەر بۇل كۇندى كەڭ كولەمدە اتاپ ءوتتى. مەرەكە ۇرلەمەلى وركەستردىڭ ۇنىمەن سالتاناتتى ساپ تۇزۋدەن باستالدى. جاسوسپىرىمدەردى ليتسەيدى ءبىتىرۋلەرىمەن قۇتتىقتاعان قورعانىس ءمينيسترى وتكەن جىلى ليتسەيدىڭ العاشقى شىعارىلىمى بولعانىن ەسكە سالدى. بۇگىندە «ارىستاننىڭ» كوپتەگەن تاربيەلەنۋشىلەرى شەتەلدىك جانە وتاندىق جەتەكشى اسكەري جوو-لاردا, ءىىم, ۇقك اكادەميالارىندا, قارجى پوليتسياسىندا, سونىمەن قاتار, نازارباەۆ ۋنيۆەرسيتەتىندە وقۋلارىن جالعاستىرۋدا.
بۇعان ليتسەيدە حالىقارالىق ستاندارتتارعا جاۋاپ بەرەتىن زاماناۋي ءبىلىم بەرۋ بازاسىنىڭ بولۋى ارقاسىندا قول جەتكىزىلىپ وتىر. مۇندا تاجىريبەلى دە جوعارى بىلىكتى پەداگوگتار جۇمىس ىستەيدى. ولار ارقاشان وقۋشىلارىنىڭ بويىندا تۇلعالىق قاسيەتتەردى قالىپتاستىرۋعا باسا كوڭىل بولەدى. وزدەرىنىڭ ومىرلەرىن اسكەري قىزمەتپەن بايلانىستىرعىسى كەلەتىن جاستار ءۇشىن مۇنداي قاسيەتتەردىڭ قاجەت ەكەنى ايتپاسا دا تۇسىنىكتى.
تالىمگەرلەرگە قاراتا ايتقان سوزىندە س.احمەتوۆ: «ارىستان» ليتسەيى شىن مانىندە ءوز بولاشاعىن اسكەري قىزمەتپەن بايلانىستىراتىنداردى تاربيەلەيدى. قارۋلى كۇشتەردىڭ كادرلىق وفيتسەرى بولۋدى, تۋعان ەلىنىڭ قاۋىپسىزدىگىن نىعايتۋعا ۇلەس قوسۋدى ارماندايتىندارعا ارنالعان مەكتەپ بولىپ تابىلادى», – دەدى. ال, ءوز كەزەگىندە, ت.ق ۇلىباەۆ تا ءسوز ارناپ, تالىمگەرلەردىڭ لايىقتى وتان قورعاۋشىلار بولۋىنا تىلەكتەستىگىن ءبىلدىردى. وسى ارادا ايتا كەتەتىن ءبىر جايت – وقۋ وزاتتارى دانيار يمانقۇلوۆ پەن ابىلاي ورازحانوۆ قازىردىڭ وزىندە اقش-تىڭ اسكەري-تەڭىز كۇشتەرى مەن اسكەري-اۋە كۇشتەرى اكادەميالارىنا وقۋعا ءتۇسىپ ۇلگەرسە, نۇربەك رىسقوجاەۆ, كونستانتين ماكاروۆ, شىمبولات قايىربەكوۆ جانە ايبەك كەرىمبەك قۇجاتتارىن رەسەيدىڭ, تۇركيانىڭ, بەلارۋستىڭ اسكەري ينستيتۋتتارىنا جىبەرىپتى.
اتتەستاتتار مەن توسبەلگىلەردى تاپسىرۋ راسىمىنەن سوڭ ءتالىمگەرلەر مەيماندارعا ساپتا ءجۇرۋ ماشىقتارىن كورسەتتى. پلاتس ءۇستىندە ا.جۇبانوۆ اتىنداعى رەسپۋبليكالىق مۋزىكا مەكتەبى وقۋشىلارى ۇلت-اسپاپتار وركەسترىنىڭ شاعىن كونتسەرتى قويىلدى. سازگەر بالالار تالىمگەرلەر ءۆالسىن قۇيقىلجىتا ورىنداعانىنان كەيىن تالىمگەرلەر اللەياسى اۋماعىندا 2024 جىلدىڭ ليتسەيشىلەرى ءۇشىن تىلەكتەر جازىلعان قۇتى-كاپسۋلا سالىندى. سالتاناتتى شارا كەشقۇرىم مەرەكەلىك بالمەن جانە جاستار ديسكوتەكاسىمەن مارەسىنە جەتتى.
«ەگەمەن-اقپارات».
