قازاقستاندا «اۋىل اماناتى» جوباسى باستاۋ الدى

وتىرىستا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ «قازاقستان رەسپۋبليكاسىنىڭ اۋىلدىق اۋماقتارىن دامىتۋدىڭ 2023-2027 جىلدارعا ارنالعان تۇجىرىمداماسى تۋرالى» جارلىعىن ىسكە اسىرۋ ماقساتىندا اقتوبە وبلىسىندا اتقارىلىپ جاتقان شارالار قارالدى. جارلىق اياسىندا جۇزەگە اسىرىلىپ جاتقان نەگىزگى جوبالاردىڭ ءبىرى – «اۋىل اماناتى» اۋىل تۇرعىندارىنىڭ تابىسىن ارتتىرۋ جوباسى.

اقتوبە وبلىسى قازاقستاندا ءبىرىنشى بولىپ جوبانى جۇزەگە اسىرۋعا كىرىستى.

«مەملەكەت باسشىسى قاسىم-جومارت توقاەۆ ءوز جولداۋىندا اۋىل شارۋاشىلىعىن دامىتۋ، اۋىل شارۋاشىلىعى ونىمدەرىنىڭ كولەمى مەن ونىڭ قوسىلعان قۇنىن ارتتىرۋ، كووپەراتيۆتەردى دامىتۋ ستراتەگيالىق مىندەت ەكەنىن اتاپ ءوتتى. «اۋىل اماناتىنا» دايىندىق بارىسىندا ءار اۋىلدىق وكرۋگ بويىنشا سكرينينگ جۇرگىزىلىپ، جۇمىسسىزدار مەن ءوزىن-ءوزى جۇمىسپەن قامتىعانداردىڭ ناقتى سانىنىڭ ناقتىلانۋىنىڭ ارقاسىندا وبلىسىمىز بۇگىندە پرەزيدەنتتىڭ اۋىلدىق اۋماقتاردى دامىتۋ جونىندەگى تاپسىرماسىن ورىنداۋعا دايىن»، دەدى وبلىس اكىمى ەرالى توعجانوۆ.

ءبىرىنشى كەزەڭدە وبلىستىڭ 24 اۋىلدىق وكرۋگىندە 2700-دەن استام جوبا جۇزەگە اسىرىلادى. بۇل ماقساتتارعا 3 ميلليارد تەڭگە ءبولىندى. جوبانىڭ ەرەكشەلىگى - قولما-قول اقشامەن قاتار تاۋارلىق نەسيە بەرۋ. اتاپ ايتقاندا، 27 ءىرى شارۋا قوجالىعى ەسەبىنەن اۋىل تۇرعىندارىنا 6 مىڭ باس مال بەرۋ جوسپارلانىپ وتىر. اۋىل تۇرعىندارى نەسيەنى العان تولىمەن قايتارادى. بۇگىنگى تاڭدا 42 جەكە شارۋاشىلىققا 650 باس ءىرى قارا مال بەرىلدى. «اۋىل اماناتى» اياسىندا قۇس شارۋاشىلىعىنا ەرەكشە كوڭىل بولىنەدى. 

وبلىس اكىمىنىڭ ورىنباسارى گۇلقاسيما سۇيىنتاەۆا جىل سايىن وبلىس قۇس ەتىنىڭ 90 پايىزدان استامىن شەتەلدەن جانە ەلىمىزدىڭ وزگە وڭىرلەرىنەن ساتىپ الىپ، تەك 5،4 پايىزىن وتاندىق ءونىم ەسەبىنەن قامتاماسىز ەتەتىنىن اتاپ ءوتتى.

«الدىن الا ەسەپتەۋلەر بويىنشا، وسى جانە باسقا دا شارالاردى قابىلداۋ ناتيجەسىندە قازىردىڭ وزىندە 2023 جىلى وبلىستى وتاندىق قۇس ەتىمەن قامتاماسىز ەتۋ 31%-عا، 2024 جىلى - 64%-عا، ال 2025 جىلى 100%-عا دەيىن ارتادى. جالپى، جوبا يمپورتتى كەزەڭ-كەزەڭىمەن قىسقارتۋعا، ىشكى نارىقتى ءوز ءوندىرىسىنىڭ تاۋارلارىمەن تولتىرۋعا، ازىق-ت ۇلىك قاۋىپسىزدىگىن قامتاماسىز ەتۋگە جانە باعانى تۇراقتاندىرۋعا مۇمكىندىك بەرەدى. الداعى ءۇش جىلدا وبلىستىڭ بارلىق اۋىلدارىندا جوبانى قامتۋ ءۇشىن قوسىمشا 58،6 ملرد تەڭگە قاجەت»، دەدى ول.

«اماNات» پارتياسىنىڭ توراعاسى ەرلان قوشانوۆ مەملەكەت باسشىسى ءوزىنىڭ سايلاۋالدى باعدارلاماسىندا اۋىلدىڭ ءومىر ءسۇرۋ دەڭگەيىن كوتەرۋگە باسا نازار اۋدارعانىن اتاپ ءوتتى. الداعى 7 جىلدا اۋىل تۇرعىندارىنىڭ تابىسىن ارتتىرۋعا 1 تريلليون تەڭگە ءبولۋ جوسپارلانىپ وتىر، بۇل اۋىل شارۋاشىلىعىندا 350 مىڭنان استام ساپالى جۇمىس ورنىن قۇرۋعا مۇمكىندىك بەرەدى.

اۋىل تۇرعىندارىنىڭ ءال-اۋقاتىن جاقسارتۋ جانە الەۋمەتتىك ماسەلەلەرىن جەدەل شەشۋ ماقساتىندا ۇكىمەت «اماNات» پارتياسىمەن بىرلەسىپ، بۇكىل قازاقستان بويىنشا «اۋىل اماناتى» جوباسىن ىسكە قوستى.

ونى جۇزەگە اسىرۋعا بيىل 52 ميلليارد تەڭگە بولىنگەن. پارتيا جانىنان ادىستەمەلىك قامتاماسىز ەتۋ، ازاماتتار مەن اكىمدەردى وقىتۋ، وتىنىشتەردى قابىلداۋ جانە قارجى ءبولۋ بارىسىن قاداعالايتىن جوبالىق كەڭسە اشىلدى.

«بۇل ءبىزدىڭ اۋىلداردى كوتەرۋگە كومەكتەسەتىن ناقتى قادامدار. جامبىل وبلىسىنىڭ 11 اۋىلدىق وكرۋگىندە جوبانى پيلوتتىق تۇردە ىسكە قوسۋ ناتيجەسىندە اۋىلدارداعى ورتاشا ايلىق تابىس 1،7 ەسەگە، اتاۋلى الەۋمەتتىك كومەك الۋشىلار سانى 3 ەسەگە، جۇمىسسىزدىق دەڭگەيى 36 ادامعا قىسقاردى. «اماNات» پارتياسى مەن ۇكىمەتتىڭ مىندەتى – «اۋىل اماناتى» جوباسىن رەسپۋبليكا بويىنشا اۋقىمدى ەتۋ. سونداي-اق تۇرعىنداردى جوبانىڭ بارلىق ارتىقشىلىقتارى تۋرالى دۇرىس اقپاراتتاندىرۋ ماڭىزدى. اقتوبە وبلىسىندا «اۋىل اماناتى» جوباسىن جۇزەگە اسىرۋ باعىتىندا پارمەندى شارالار قولعا الىندى. ەرالى توعجانوۆتىڭ باسشىلىعىمەن وبلىس جاقسى ناتيجە كورسەتەتىنىنە سەنىمدىمىن»، دەدى ەرلان قوشانوۆ.