التاي ايماعىنىڭ ادامدارى

شىعىس قازاقستان جۇرتشىلىعىنىڭ گۋمانيتارلىق كومەگى ءۇشىن العىس ايتتى تاياۋدا رەسەي فەدەراتسياسىنىڭ التاي ايماعىندا الاپات تاسقىن بولىپ, ادام شىعىنى دا ورىن العان بولاتىن. شەكارالاس وڭىرگە شىعىسقازاقستاندىقتار جەدەل گۋمانيتارلىق كومەك كورسەتكەن ەدى. بۇل تۋرالى («كومەك كەرۋەنى», «ەق», №110, 6 ماۋسىم, 2014 جىل) جۋىردا جازعانبىز. «كورشى اقىسى – ءتاڭىر اقىسى» دەپ حالقىمىز  بەكەر ايتپايدى. شىعىس ءوڭىرىنىڭ كورشىلىك ىزگى نيەتىنە بارناۋلدىقتار شەكسىز ريزاشىلىعىن ءبىلدىرىپ وتىر. «جاقىن كورشىمىز – قا­زاق­ستان رەسپۋبليكاسىنىڭ شىعىس قازاقستان وبلىسى العاش­قى­لاردىڭ ءبىرى بولىپ سۋ تاس­قى­نىنان زارداپ شەككەندەرگە كومەك كورسەتتى. ءۇش كۇننىڭ ىشىندە عانا گۋمانيتارلىق جۇك جينالىپ, 5 ماۋسىم كۇنى التاي ايماعىنىڭ ورتالىعىنا كەلىپ جەتتى. كومەكتى بارشاسى كورسەتىپ جاتىر. دەگەنمەن, شەكارالاس شىعىس قازاقستان وبلىسىنىڭ بورودۋليحا, شەمونايحا, زىريان, بەسقاراعاي اۋداندارى ەڭ ۇلكەن ۇلەستەرىن قوستى». رەسەيلىك «التايسكايا پراۆدا» گازەتى 6 ماۋ­سىم كۇنگى سانىندا «13 توننادان استام ۇن مەن جاستىق تيەگەن جۇك ماشيناسى: قازاقستان رەسپۋبليكاسىنان التاي ايماعىنا 4 كونتەينەر گۋمانيتارلىق كومەك كەلدى» دەگەن تاقىرىپپەن جاريالاعان ماقالاسىندا وسىلاي دەپ جازدى. شىعىسقازاقستاندىقتار كە­رۋەنىن  باستاپ بارعان ۆاسي­لي احاەۆتىڭ ايتۋىنشا, گۋما­ني­تارلىق جاردەمنىڭ ىشىندە ەرەسەكتەر مەن بالالارعا ارنالعان كيىمدەر, 100-دەن استام توسەك-ورىن جابدىقتارى, رەزەڭكە ەتىك, ازىق-ت ۇلىك, وسىمدىك مايى, 5 توننا ماكارون, 13 توننادان اسا ۇن بار. 7 ملن. تەڭگەدەن استام تۇراتىن جۇكتىڭ جالپى سالماعى 50 تونناعا جۋىق. «التاي – ءبىزدىڭ ورتاق ءۇيىمىز» حالىقارالىق ۇيلەستىرۋ كەڭەسىنىڭ حاتشىسى بوريس لارين شىعىس قازاقستان وبلىسىمەن قارىم-قاتىناس قاراپايىم ارىپتەستىك شەڭبەرىنەن شىعىپ, ىزگى ىسكە ۇلاسقانىن جەتكىزدى. – ءبىزدىڭ بايلانىسىمىز جىلى كورشىلىك قاتىناسقا جالعاستى. قازاقستاننىڭ كورسەتكەن كومەگى ءبىز ءۇشىن وتە قاجەت جانە ماڭىزدى, – دەدى ب.لارين. ارينە, شىعىس قازاقستان ءوڭىرى رەسەيدىڭ التاي ايماعىنا العاش رەت كومەكتەسىپ تۇرعان جوق. نيكولاەۆكا ەلدى مەكەنىندە بولعان ءورت كەزىندە زارداپ شەگۋشىلەرگە جاردەم بەرىپ, نيكولاەۆكا مەكتەبىنە تۇتاس كومپيۋتەر سىنىبىن سىيلاعان بولاتىن. ونى بارناۋلدىقتار ۇمىتا قويعان جوق. قازىرگى كەزدە شىعىسقازاق­ستاندىقتار جولداعان گۋماني­تارلىق كومەكتى توتەنشە جاعداي قىزمەتكەرلەرى زارداپ شەككەن تۇرعىندارعا تاراتۋدا. دۋمان اناش, «ەگەمەن قازاقستان». شىعىس قازاقستان وبلىسى.