كوپقاباتتى ۇيلەردىڭ تۇتاس ءبىر قابىرعاسىن العان, شاھاردىڭ سۇرقاي كەلبەتىنە ءتۇرلى-ءتۇستى بوياۋ قوسقان تۋىندىلاردى قاراعاندىلىقتار جىلى قابىلداعانى بەلگىلى. العاشقى مۇرال 2020 جىلى سالىنسا, سودان بەرى كەنشىلەر استاناسىنىڭ ءار بولىگىندەگى اسەم ونەر كوپشىلىكتىڭ كوزايىمىنا اينالدى.
جارقىن جوبانىڭ باستاماشىسى ۋربانيستيكا ورتالىعى ەدى. سۇرعىلت قالانىڭ شىرايىن كىرگىزگىسى كەلگەن جاستار بۇگىندە سول مۇرالدار تۋرالى اۋديوگيد جاساپ شىعاردى. وندا ءاربىر مۇرال جونىندە اۋديوتانىستىرىلىم جازىلعان. سول ارقىلى ءار مۇرالدىڭ بەينەلەنۋ بارىسى, ونىڭ كۇردەلىلىگى جانە ەستەتيكالىق ءمانى تۋرالى اقپارات بەرىلەدى. سونداي-اق اۋديوگيدتىڭ كارتاسىندا مۇرال ورنالاسقان مەكەندى دە كورە الاسىز. ەگەر مۇرال ۇناپ جاتسا نەمەسە وزگە دە وي-پىكىر قالدىرعىڭىز كەلسە, مارحابات. جوبانى جاساۋشىلار وعان دا مۇمكىندىك بەرەدى.
«اۋديونۇسقاۋلىق تەگىن. ونى izi.travel/ru سايتىنان نەمەسە PlayMarket جانە AppStore ارقىلى IZI.travel قوسىمشاسىن جۇكتەپ الۋ ارقىلى تىڭداۋعا بولادى», دەيدى جوبا اۆتورلارى.
قاراعاندى
