اۋداندىق ءماسليحاتتىڭ كەزەكتەن تىس سەسسياسىندا ايماق باسشىسى ەرماعانبەت بولەكپاەۆ اكىمدىككە كانديداتتى تانىستىردى. دەپۋتاتتار ونى قولدادى.
ەرماعانبەت بولەكپاەۆ جاڭا اكىمگە جىلۋ ماۋسىمىن تۇراقتى وتكىزۋ, ينجەنەرلىك جەلىلەردى قايتا جاڭعىرتۋدى اياقتاۋ, الەۋمەتتىك نىساندار سالۋ, سونداي-اق جاڭا وندىرىستەر اشۋ, ينۆەستيتسيا تارتۋ جانە جاستار كاسىپكەرلىگىن قولداۋ مىندەتتەرىن قويدى.
ءسابيت وسپانوۆ 1969 جىلى دۇنيەگە كەلگەن. 2000 جىلدىڭ ساۋىرىنەن باستاپ مەملەكەتتىك قىزمەتتە. اباي قالاسىنىڭ اكىمى, قاراعاندى وبلىسىنىڭ جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى قىزمەتتەرىن اتقارعان.
2016 جىلدىڭ قاراشا ايىندا قاراعاندى قالاسى اكىمىنىڭ ورىنباسارى قىزمەتىنە تاعايىندالدى.
2022 جىلدىڭ ءساۋىر ايىنان باستاپ وسى ۋاقىتقا دەيىن قاراعاندى وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى قىزمەتىن اتقارعان.
بۇعان دەيىن قاراعاندى قالاسىنىڭ اكىمى بولىپ مەيرام قوجۋحوۆ تاعايىندالعانىن حابارلاعان ەدىك.
