پورتالدا جاڭارىپ وتىراتىن مالىمەتتەرگە سۇيەنسەك, اتالعان ەكى ەلدە الەمدەگى ەڭ كوپ حالىق شوعىرلانعان. ماسەلەن, قازىر ءۇندىستان حالقىنىڭ سانى 1 422 699 743 ادامدى قۇرايدى, ال قىتايدا — 1 425 831 143 ادام. زەرتتەۋدە اتاپ وتىلگەندەي, حالىق سانىنىڭ ءوسۋى تۇرعىسىنان ءۇندىستان وسى جىلدىڭ وزىندە-اق قحر-دان اسىپ تۇسكەن. سونىمەن قاتار وعان حالىق ەڭ كوپ شوعىرلانعان ەل اتاعى بەرىلدى. ونىڭ ازاماتتارىنىڭ سانى كەم دەگەندە 2050 جىلعا دەيىن وسە بەرەدى دەگەن بولجام بار.
بۇعان دەيىن 17 قاڭتاردا قىتاي حالقىنىڭ وتكەن جىلى 850 مىڭ ادامعا ازايعانى حابارلانعان بولاتىن. ناقتىراق ايتقاندا بۇل ەلدىڭ تۇرعىندارىنىڭ سانى 1,411 ملرد-قا دەيىن تومەندەگەن.
قازىر قحر ەلەۋلى دەموگرافيالىق پروبلەمالارعا تاپ بولىپ وتىر. ەلدەگى 100 ايەلگە 105 ەر ادامنان كەلەدى. 1970 جىلداردىڭ سوڭىندا ەنگىزىلگەن ء«بىر وتباسى — ءبىر بالا» ساياساتىنىڭ اياعى وسىنداي ماسەلەلەرگە اكەلىپ سوقتى.
گۇلشاحرا سانسىزباي
