كۇدىكتىنىڭ تۇرعىلىقتى جەرى بويىنشا جەدەل-ىزدەستىرۋ ءىس-شارالارىن جۇرگىزۋ كەزىندە جەرتولەدەن جالپى سالماعى 5 كەلى 864 گرامم گاشيش جانە جالپى سالماعى 1 كەلى 280 گرامم كەپتىرىلگەن ماريحۋانا ەسىرتكىسى تابىلدى. سونداي-اق جەكە باسىن ءتىنتۋ بارىسىندا كۇدىكتىدەن سالماعى 14 گرامم گاشيش ەسىرتكىسى تابىلىپ, تاركىلەندى.
«تاركىلەنگەن ەسىرتكى قۇرالدارىنىڭ جالپى سالماعى 5 كەلى 878 گرامم گاشيش پەن 1 كەلى 280 گرامم ماريحۋانانى قۇرايدى. اتالعان دەرەككە قاتىستى قر قك-ءنىڭ 297-بابىنىڭ 3-بولىگى (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ) بويىنشا سوتقا دەيىنگى تەرگەۋ امالدارى باستالدى», دەپ حابارلادى وبلىستىق پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى ءالىم باجىقباەۆ.
كۇدىكتىنىڭ مۇلكى تاركىلەنىپ, 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلۋى مۇمكىن.
