اتالعان ءىس-شارانىڭ العاشقى كۇنى نەيروحيرۋرگ مىڭجىلقى بەردىقوجاەۆ نەيروحيرۋرگيالىق بەيىندەگى اۋرۋلارى بار 30 ناۋقاسقا كونسۋلتاتسيالىق قابىلداۋ جۇرگىزدى. ونىڭ 7,2%-ى اۋىلدىق جەرلەردىڭ تۇرعىندارى. سونداي-اق 4-5 كۇن بۇرىن ينسۋلت العان 55 جاستاعى پاتسيەنتكە باس ميىنىڭ ىشىندەگى ومىرتقا ارتەرياسىنىڭ تارىلۋىنا بايلانىستى ستەند قويۋ وپەراتسياسىن جاسادى. وسى تەكتەس وپەراتسيالار ءىس-شارا اياسىندا 2 كۇن قاتارىنان جۇرگىزىلمەك. جالپى, وتكىزىلەتىن وپەراتسيالاردىڭ سانى – 10-عا جۋىق. وعان قوسا شۇعىل كەلىپ تۇسكەن ناۋقاستارعا دا وپەراتسيا جاسالۋى مۇمكىن.
ءىس-شارانىڭ عىلىمي بولىمىندە تانىمال نەيروحيرۋرگ مىڭجىلقى بەردىقوجاەۆ «تسەرەبرالدى انەۆريزمانى ەمدەۋ» تاقىرىبىندا بايانداما وقيدى. دارىگەر ءوز بايانداماسىندا الماتى قالاسىنداعى «ورتالىق كلينيكالىق اۋرۋحانا» اق-نىڭ نەيروحيرۋرگيا ورتالىعىنىڭ كەيىنگى جەتى جىلدىق تاجىريبەسىندەگى مي قانتامىرلارى انەۆريزماسىنىڭ جارىلۋىنىڭ الدىن الۋ, ونى ەمدەۋدە ەنگىزىلگەن ءتۇرلى ادىستەرى تۋرالى ايتادى.
وسىناۋ ساپار بارىسىندا پرەزيدەنت ءىس باسقارماسىنىڭ مەديتسينالىق ورتالىعى اۋرۋحاناسىنىڭ دارىگەرلەرى مەديتسينانىڭ باسقا دا باعىتتارى بويىنشا تاجىريبە الماسىپ, پرەزيدەنتتىك كلينيكانىڭ كوپتەگەن قىزمەتىمەن تانىستىرادى.
