ءتىنتۋ كەزىندە پوليتسەيلەر 45 جاستاعى قالا تۇرعىنىنان ارنايى شكافتى تاپتى.
ۇستالعان ادام ونى جىلىجاي ەتىپ, قاجەتتى قۇرال-جابدىقتارمەن جابدىقتاعان. بولمەدەن ارنايى جارىقتاندىرۋ, جەلدەتكىش, سۋارۋ جۇيەسى, كليماتتىق باقىلاۋ جانە فوتوسينتەز شامدارى تابىلدى.
– تۇرعىلىقتى جەرى بويىنشا ەر ادامنىڭ پاتەرىنەن 6 قاراسورا بۇتاسى مەن 148 گرامم كەپتىرىلگەن ماريحۋانا تاركىلەندى. وسى فاكتى بويىنشا قازاقستان رەسپۋبليكاسى قك 300-بابىنىڭ 1-بولىگىندە كوزدەلگەن قىلمىس بەلگىلەرى (قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى زاڭسىز ءوسىرۋ) بويىنشا سوتقا دەيىنگى تەرگەۋ جۇرگىزىلىپ جاتىر, – دەدى پاۆلودار وبلىسى پوليتسيا دەپارتامەنتى باستىعىنىڭ ورىنباسارى بولات نۇرسەيىتوۆ.
