استىق-جەمدىك جانە جەمشوپ داقىلدارىنىڭ ەگىس القاپتارىن ۇلعايتۋ جوسپارلانىپ وتىر. الدىن الا ەسەپ بويىنشا كەم دەگەندە 18 مىڭ گا قانت قىزىلشاسى ەگىلەدى. كوكونىس جانە باقشا داقىلدارى وسىرىلەدى. تاعى 9,9 مىڭ گەكتارعا كۇرىشتىڭ ەگىستىك القاپتارى وسىرىلەدى.
مەملەكەت وسىمدىك شارۋاشىلىعىن سۋبسيديالاۋ باعدارلامالارىن ىسكە اسىرۋدى جالعاستىرادى. ماسەلەن, 2023 جىلى تۇقىم شارۋاشىلىعىن دامىتۋدى سۋبسيديالاۋعا جەرگىلىكتى بيۋدجەتتەردە 11,4 ملرد تەڭگە قاراستىرىلعان. بۇل تۇقىم سەبۋدىڭ جوعارى كورسەتكىشىن 97 پايىز دەڭگەيىندە ۇستاۋعا مۇمكىندىك بەرەدى.
مينەرالدى تىڭايتقىشتارعا كەلەتىن بولساق, بيىلعى قاجەتتىلىك – 703 مىڭ توننا. جەرگىلىكتى بيۋدجەتتەردە تىڭايتقىشتاردى سۋبسيديالاۋ باعدارلاماسىنا 31,3 ملرد تەڭگە قاراستىرىلعان, الايدا بۇل تىڭايتقىشتاردىڭ باعاسىنىڭ ءوسۋىن ەسكەرە وتىرىپ, فەرمەرلەردىڭ قاجەتتىلىكتەرىن تولىق قامتاماسىز ەتۋ ءۇشىن جەتكىلىكسىز. اۋىل شارۋاشىلىعى مينيسترلىگى اكىمدىكتەرگە بيۋدجەت قاراجاتىنىڭ كولەمىن قاجەتتىلىكتەرگە قاراي ۇلعايتۋ مۇمكىندىگىن قاراستىرۋ قاجەت دەپ ەسەپتەيدى.
ايتا كەتەيىك, فەرمەرلەر سۋبسيديالاۋعا ءوتىنىم بەرە الادى. اگروونەركاسىپ كەشەنىن سۋبسيديالاۋدىڭ بىرىڭعاي مەملەكەتتىك اقپاراتتىق جۇيەسى فەرمەرلەرگە سۋبسيديالاۋعا وتىنىمدەردى رەسىمدەۋ ءۇشىن بالاما رەتىندە ازىرلەندى. وتىنىمدەردى بەرۋ, سۋبسيديالاردى وڭدەۋ جانە الۋدىڭ بىرىڭعاي gosagro.kz ۆەب-پورتالى ارقىلى جۇزەگە اسىرىلادى. جۇيە تولىعىمەن اۆتوماتتاندىرىلعان جانە اقىسىز نەگىزدە قىزمەت كورسەتۋگە مۇمكىندىك بەرەدى.
2022 جىلدىڭ 31 جەلتوقسانىندا بۇرىنعى «Qoldau.kz» پورتالىنان ينۆەستيتسيالىق سۋبسيديالاۋ بويىنشا تولىق تاريحي دەرەكتەر الىندى. قازىرگى ۋاقىتتا اقپاراتتىق بازانى جاڭا جۇيەگە ەنگىزۋ جۇمىستارى جۇرگىزىلىپ جاتىر.
مينيسترلىك اقپاراتى بويىنشا, قازىر سۋبسيديالاۋ جونىندەگى قىزمەتتەردى ءوتىنىم بەرىلگەن ساتتەن باستاپ, سۋبسيديا تولەنگەنگە دەيىنگى ارالىقتا تەحنيكالىق پىسىقتاۋ اياقتالدى. قولدانىستاعى سۋبسيديالاۋ قاعيدالارىنا سايكەس, فەرمەرلەردەن وتىنىمدەردى قابىلداۋ 2023 جىلدىڭ 1 اقپانىنان باستالادى.
جالپى, كوكتەمگى ەگىس ناۋقانىنا 141,7 مىڭ تراكتور جۇمىلدىرىلىپ, 4,3 مىڭ بىرلىك جوعارى ءونىمدى ەگىس كەشەنىندە 73,2 مىڭ سەپكىش جانە 221,2 مىڭ توپىراق وڭدەۋ قۇرالدارى پايدالانىلماق.
