سەناتورلار سۋارمالى ەگىن جايىن تالقىلادى

كەشە سەنات توراعاسىنىڭ ورىنباسارى مۇحامبەت كوپەەۆتىڭ قاتىسۋىمەن وتكەن “دوڭگەلەك ۇستەل” بارىسىندا ەلىمىزدەگى سۋارمالى ەگىن شارۋاشىلىعى مەن سۋارمالى جەرلەردى ءتيىمدى پايدالانۋدى جەتىلدىرۋ ماسەلەلەرى تالقىلاندى. شاراعا اگرارلىق ماسەلەلەر جانە قورشاعان ورتانى قورعاۋ كوميتەتىنىڭ توراعاسى بولات جىلقىشيەۆ جەتەكشىلىك ەتتى. شارا بارىسىندا ۆيتسە-سپيكەر تالقىلانىپ وتىرعان تاقىرىپ اگروونەركاسىپ سالاسىن دامىتۋدىڭ باسىم باعىتتارىن ايقىنداعان مەملەكەت باسشىسىنىڭ جولداۋى تۇرعىسىندا وتە ماڭىزدى بولىپ وتىرعانىن ايتتى. ەلىمىزدىڭ 2020 جىلعا دەيىنگى ستراتەگيالىق دامۋ جوسپارى مەن ۇدەمەلى يندۋستريا­لىق-يننوۆاتسيالىق دامىتۋ ءجو­نىن­دەگى 2010-2014 جىلدارعا ارنالعان مەملەكەتتىك باعدار­لامانى جۇزەگە اسىرۋ جولدارىنا توقتالىپ وتكەن م.كوپەەۆ, سالاداعى قاتىناستاردى رەتتەۋشى زاڭنامالىق بازانى ودان ءارى جەتىلدىرۋ قاجەتتىگىن اتاپ ءوتتى. اۋىل شارۋاشىلىعى ۆيتسە-مي­نيسترى م.ورازاەۆ تالقىلاۋعا قاتى­سۋشىلاردى سۋارمالى ەگىن شارۋا­شى­لىعىنداعى مەملەكەتتىك باسقارۋ جۇيەسىن جەتىلدىرۋگە باعىتتالعان ءىس-شارالار بارىسى تۋرالى حاباردار ەتتى. م.ورازاەۆ سۋارمالى جەرلەر كولەمى­نىڭ ازايۋىنا سەبەپتەردىڭ قاتارىندا سۋارمالى جەرلەردى قالپىنا كەلتىرۋ باعدارلاما­لا­رى­نىڭ جەتكىلىكسىز قارجىلان­دى­رى­لۋىن (سوڭعى 6 جىلدا وسى ماق­ساتتاعى ءىس-شارالارعا قاجەت قارجى رەسۋرستارى تەك 18 پايىزعا عانا قاناعاتتاندىرىلىپ كەلدى), تاۋار وندىرۋشىلەر مەن سۋ پايدا­لا­نۋ­شى­لاردىڭ, شارۋاشىلىقتاردىڭ قارجى­لىق جانە ماتەريالدىق-تەحنيكالىق ماردىمسىز قامتى­لۋىن اتادى. “دوڭگەلەك ۇستەل” بارىسىندا بايانداما جاساعان سالالىق كوميتەت حاتشىسى قۋانىش ايتاحانوۆ قاتىسۋشىلار نازارىن سۋارمالى جەرلەردى ءتيىمدى پايدالانۋ جولىن­داعى شارالاردى زاڭنامالىق تۇر­عى­دان قامتاماسىز ەتۋ اسپەكتى­لە­رى­نە اۋداردى. كوميتەت توراعاسى, سون­داي-اق كەيبىر پروبلەمالى ءجايت­تەر تۋرالى سىني كوزقاراس­تارىن ءبىلدىرىپ, ولاردى شەشۋ جول­دا­رى حاقىنداعى ويلارىمەن ءبولىستى. تالقىلاۋلاردىڭ قورىتىن­دىلارى بويىنشا ءتيىستى ۇسىنىم­دار ازىرلەندى. اسقار تۇراپباي ۇلى.