جەكە تۇلعانىڭ كىرىسى رەتىندە قاراستىرىلمايدى:
- ۇجىمدىق, ەڭبەك شارتتارىندا جانە (نەمەسە) جۇمىس بەرۋشىنىڭ اكتىسىندە بەلگىلەنگەن نورمالار قىزمەتكەرلەرگە ولاردىڭ جۇمىسى جولدا وتەتىن, جول ءجۇرۋ سيپاتىنداعى, قىزمەت كورسەتىلەتىن ۋچاسكەلەر شەگىندە قىزمەتتىك ساپارلارمەن بايلانىستى بولعان جاعدايلاردا وتەماقى تولەمدەرى (2018 جىلى 1 قاڭتاردان باستاپ رەتروسپەكتيۆتى قولدانىسقا ەنگىزىلەدى);
- فورمالى كيىم كيۋ جانە (نەمەسە) ونى قامتاماسىز ەتۋ جونىندەگى مىندەت بەلگىلەنگەن جاعدايلاردا قىزمەتكەرگە بەرىلگەن فورمالى كيىمنىڭ قۇنى (2023 جىلى 1 قاڭتاردان باستاپ قولدانىسقا ەنگىزىلەدى);
- تولەم كارتوچكالارىن پايدالانا وتىرىپ تولەمدەردى قابىلداۋعا ارنالعان باقىلاۋ-كاسسا ماشيناسىن جانە جابدىقتى (قۇرىلعىنى) قولدانۋدى بۇزۋ فاكتىلەرى تۋرالى حابارلاعان ادامنىڭ فاكت راستالعان جاعدايدا الاتىن سىياقى سوماسى (2023 جىلى 1 قاڭتاردان باستاپ قولدانىسقا ەنگىزىلەدى).
كىرىستى تۇزەتۋ كەلەسى كىرىستەر بويىنشا جۇزەگە اسىرىلادى:
- اشىق جانە ارالىق ينۆەستيتسيالىق پاي قورلارىنىڭ پايلارىن وتكىزۋ كەزىندە قۇن وسىمىنەن تۇسەتىن تابىستار (2022 جىلى 1 قاڭتاردان باستاپ قولدانىسقا ەنگىزىلەدى);
- جەكە تۇرعىن ءۇي قورىنداعى جالعا الىنعان تۇرعىن ۇيگە اقى تولەۋ ءۇشىن بيۋدجەت قاراجاتىنان سۋبسيديالار تۇرىندەگى تابىستار (2022 جىلى 1 قاڭتاردان باستاپ قولدانىسقا ەنگىزىلەدى);
- تەڭگەدە ورنالاستىرىلعان جەكە تۇلعالاردىڭ دەپوزيتتەرى بويىنشا وتەماقى (سىيلىقاقى) (2023 جىلعى 1 قاڭتاردان باستاپ 2025 جىلعى 1 قاڭتارعا دەيىن قولدانىلادى).
م ۇلىكتىك كىرىستى انىقتاۋ ماقساتىندا:
- مەنشىك قۇقىعى پايدا بولعان ساتتەن باستاپ ءبىر جىلدان از ۋاقىت مەنشىك قۇقىعىندا بولعان تۇراق ورىندارىن ساتۋ كەزىندە م ۇلىكتىك تابىس پايدا بولادى (2022 جىلى 1 قاڭتاردان باستاپ قولدانىسقا ەنگىزىلەدى);
- ەرلى-زايىپتىلاردىڭ بىرەۋىنىڭ جىلجىمايتىن م ۇلىككە قۇقىقتارىن مۇراگەرلىككە الۋ كەزىندە قۇننىڭ ءوسۋىن ايقىنداۋ ماقساتىندا مەنشىك قۇقىعىندا بولۋ ەرلى-زايىپتىلاردىڭ وسىنداي م ۇلىككە ورتاق بىرلەسكەن مەنشىك قۇقىعى تىركەلگەن كۇننەن باستاپ ايقىندالۋى قاراستىرىلادى (2023 جىلى
1 قاڭتاردان باستاپ قولدانىسقا ەنگىزىلەدى).
2023 جىلدان باستاپ, ەگەر تسيفرلىق اكتيۆتەردى ساتۋ كەزىندە قۇن وسىمىنەن تۇسەتىن كىرىس پايدا بولسا, وندا مۇنداي كىرىسكە جەكە تابىس سالىعى سالىنادى. اتالعان نورما بۇرىن بولماعان.
«ەگەمەن-اقپارات»
