12 قاڭتاردا ساعات 15:30 شاماسىندا بقو پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى مەن ەكسترەميزمگە قارسى ءىس-قيمىل باسقارماسى بىرلەسىپ جۇرگىزگەن جەدەل-ىزدەستىرۋ شارالارىنىڭ ناتيجەسىندە بقو پد جقاج قىزمەتكەرلەرى 27 جاستاعى تۇرعىندى ۇستادى. ونىڭ پاتەرىنەن ءتىنتۋ بارىسىندا اتىس قارۋى, اتاپ ايتقاندا 12 كاليبرلى يج-ك ماركالى ءبىر وقپاندى مىقتىقتىڭ كەسىندىسى تابىلدى.
قارۋ اتۋعا جارامدى ەكەندىگى انىقتالدى. ەر ادامنىڭ تىركەلمەگەن قارۋدىڭ قايدان ساتىپ الىنعانىن جانە قانداي ماقساتتا ساقتاعانىن پوليتسەيلەر انىقتاپ جاتىر.
قازىر قر قك-ءنىڭ 287-بابى 3-بولىگى بويىنشا سوتقا دەيىنگى تەرگەۋ باستالدى. زاڭسىز اينالىمنان قارۋدى, وق-دارىلەردى جانە جارىلعىش زاتتاردى انىقتاۋ, تابۋ جونىندەگى جۇمىستى بقو پد ۇيىمداسقان قىلمىسقا قارسى كۇرەس باسقارماسى قىزمەتكەرلەرى تۇراقتى نەگىزدە جۇرگىزەدى. بۇل ءىس بقو پد باسشىلىعىنىڭ ەرەكشە باقىلاۋىندا بولادى.
