سپيكەردىڭ مالىمەتىنە سۇيەنسەك, بۇگىندە وڭتۇستىك استاناداعى 310 مەكتەپتە بارلىعى 320 453 وقۋشى ءبىلىم الۋدا (212 مەملەكەتتىك مەكتەپتە – 292 099 وقۋشى, 98 جەكەمەنشىك مەكتەپتە – 28 354 وقۋشىسى بار). بۇگىندە وقۋشى ورىندارىنىڭ تاپشىلىعى وتە وزەكتى ماسەلەلەردىڭ قاتارىندا تۇر. قالادا قازىرگى جاعدايدا 27 935 ورىن جەتىسپەيدى.
وسىعان بايلانىستى بيىل 8 100 ورىندىق 5 مەملەكەتتىك مەكتەپ پايدالانۋعا بەرىلدى (1 800 ورىن – «قالقامان» شاعىن اۋدانىنداعى №206, 1 800 ورىن – «سايالى» شاعىن اۋدانىنداعى №204, 1 500 ورىن – «توميريس» شاعىن اۋدانىنداعى №205, 1 500 ورىن – «قالقامانداعى» №208, 1 500 ورىن «نۇركەنت» شاعىن اۋدانىنداعى №209 مەكتەپتەر). سونىمەن بىرگە «مادەنيەت» شاعىن اۋدانىندا ءۇش اۋىسىمداعى №196 مەكتەپتىڭ ورنىنا 1 500 ورىندى قامتيتىن جاڭا مەكتەپ, 2 393 ورىندى قامتيتىن 6 جەكەمەنشىك مەكتەپ بەرىلدى (بوستاندىق اۋدانىندا – 599 ورىندىق «زامان» مەكتەبى, 384 ورىندىق «JOO High School Almaty», 540 ورىندىق Almaty School of Physics and Mathematics, تۇركسىب اۋدانىندا – 420 ورىندىق Millennium مەكتەبى, ناۋرىزباي اۋدانىندا – 200 ورىندىق AiDi Education, 250 ورىندىق Zhiger S مەكتەپتەرى). قولدانىستاعى مەكتەپتەردە 900 ورىن (№191, №146, № 125 قولدانىستاعى مەكتەپتەردىڭ ارقايسىسىنا قوسىمشا 300 ورىننان بەرىلىپ, 600 ورىنعا ارنالعان 1 عيمارات ساتىپ الىندى. وسىلايشا, 13 493 وقۋشى ورنىنا ارنالعان 16 نىسان ىسكە قوسىلىپ وتىر. ال جىل سوڭىندا «دارحان» شاعىن اۋدانىندا 1 500 ورىندىق №210 جانە «الما سيتي» شاعىن اۋدانىنداعى 1 200 ورىندىق №207 جاڭا مەكتەپ پايدالانۋعا بەرىلەتىن بولادى.
«جايلى مەكتەپ» ۇلتتىق جوباسىنىڭ قالاي جۇزەگە اسىپ جاتقاندىعىنا توقتالعان سپيكەر 2030 جىلعا قاراي ءبىر اۋىسىمدىق وقىتۋعا قول جەتكىزىلەتىنىن اتاپ ءوتتى. وسى ورايدا ءا.ءنۇسىپوۆا «ۇلتتىق جوبا اياسىندا 2023 جىلدان باستاپ رەسپۋبليكالىق بيۋدجەت ەسەبىنەن 37 100 ورىندى قامتيتىن 22 مەكتەپتىڭ قۇرىلىسىن باستاۋ جوسپارلانعانىن جەتكىزدى. بۇل رەتتە جەرگىلىكتى بيۋدجەت ەسەبىنەن جالپى سوماسى 11 ملرد تەڭگەگە جەر تەلىمدەرىن ساتىپ الۋ جانە ولاردى ينفراقۇرىلىمعا قوسۋ ماسەلەلەرى شەشىلەتىنىن اتاپ ءوتتى. سونىمەن قاتار اكىمدىك «1000 مەكتەپ» جوباسىن جۇزەگە اسىرۋ جالعاستىرا بەرەدى. 2023-2025 جىلدار ارالىعىندا 27 150 ورىنعا ارنالعان 36 ءبىلىم بەرۋ نىسانى (3 مەملەكەتتىك مەكتەپ, 7 قوسىمشا قۇرىلىس, 19 جەكەمەنشىك مەكتەپ) پايدالانۋعا بەرىلەدى.
بيىلدان باستاپ 7 مىڭنان استام وقۋشى مەكتەپتەرگە ارنايى كولىكپەن بارادى. الماتى قالاسىنىڭ اكىمدىگى وسىلايشا «مەكتەپ اۆتوبۋسى» جوباسى اياسىندا تۇرعىنداردى تولعاندىرعان ماسەلەنىڭ ءبىرىن شەشۋدى قولعا الىپ وتىر.
«الماتىدا وقۋشىلاردى تاسىمالداۋدىڭ جايلىلىعى مەن قاۋىپسىزدىگىن ارتتىرۋ ماقساتىندا وسى جىلدان باستاپ قالانىڭ 8 اۋدانىنداعى 29 مەكتەپتە 7,7 مىڭ بالاعا ارنالعان «مەكتەپ اۆتوبۋسى» جوباسى باستالدى» دەپ حابارلادى الماتى قالاسى اكىمىنىڭ ورىنباسارى اسەم ءنۇسىپوۆا.
ول جاڭا جىلدان باستاپ مەكتەپتەردە كەشەندى قاۋىپسىزدىك جۇيەسى ەنگىزىلىپ, «پانيكا تۇيمەلەرى», ءوتۋ جۇيەسى (تۋرنيكەتتەر), ءورت قاۋىپسىزدىگى, پوليتسيانىڭ جەدەل باسقارۋ ورتالىقتارىمەن بىرىكتىرىلگەن بەينەباقىلاۋ كامەرالارى ورناتىلاتىنىن اتاپ ءوتتى. جوبا ءۇش جىلدىق سەرۆيستىك ۇلگى بويىنشا قارجىلاندىرىلادى. قارجىلاندىرۋدىڭ جالپى كولەمى 4,9 ملرد تەڭگەنى قۇرايدى. 2023 جىلعا ارنالعان بيۋدجەت جوباسىندا وسى ماقساتتارعا 1,6 ملرد تەنگە بولىنبەك.
زاماناۋي ينفراقۇرىلىمدى جاقسارتۋ ارقىلى 2025 جىلعا دەيىن بارلىق مەملەكەتتىك مەكتەپتەر فيزيكا, حيميا, بيولوگيا, ينفورماتيكا جانە روبوتتەحنيكانىڭ جاڭا بۋىنىنىڭ پاندىك كابينەتتەرىمەن قامتاماسىز ەتىلەدى. بيىل جاڭا موديفيكاتسياداعى 168 شكاف ساتىپ الۋ كوزدەلگەن, بۇل ماقساتقا جەرگىلىكتى قوردان 2,1 ملرد تەڭگە ءبولىندى.
ەندىگى كەزەكتە اتا-انالار ءۇشىن الاڭداۋعا نەگىز جوق. قالالىق اكىمدىك بالالاردى مەكتەپكە قاۋىپسىز جەتكىزۋمەن قاتار, زاماناۋي تالاپتارعا ساي ءبىلىم الۋىن جاقسارتۋدى ۋادە ەتىپ وتىر. ال اتا-انالار جوبانىڭ ومىرشەڭدىگى مەن ساپالى ىسكە اسقانىن قالايدى.
الماتى
