ىشكى ىستەر مينيسترلىگى اتالعان وقيعاعا قاتىستى پىكىر ءبىلدىردى.
«2022 جىلعى 30 جەلتوقساندا تاراز ستانتسياسىنداعى جەلىلىك پوليتسيا ءبولىمىنىڭ قىزمەتكەرلەرىمەن الماتى-ماڭعىستاۋ باعىتىنداعى جولاۋشىلار پويىزىندا پوەزد باستىعى مەن 37-جاستاعى جولاۋشى اراسىندا ورىن العان قۇقىقبۇزىلۋشىلىققا قاتىستى قر قىلمىستىق كودەكسىنىڭ 389-بابىنىڭ 1-بولىگى (وزىنشە بيلىك ەتۋ) بويىنشا سوتقا دەيىنگى تەرگەپ-تەكسەرۋ باستالعان ەدى. قازىرگى ۋاقىتتا قىلمىستىق ءىس اۋماق بويىنشا شىمكەنت ستانتسياسىنداعى جەلىلىك پوليتسيا بولىمىمەن تەرگەپ-تەكسەرىلۋدە.
بۇعان قوسا, العاشقى تەكسەرۋدە پوەزدىڭ 37 جاستاعى جولاۋشىسى قر اكىمشىلىك قۇقىقبۇزۋشىلىق تۋرالى كودەكسىنىڭ 204-بابى (قوعامدىق ورىندا ساۋدا ساتۋ) جانە 434-بابى (ۇساق بۇزاقىلىق) بويىنشا اكىمشىلىك جاۋاپكەرشىلىككە تارتىلدى. سونداي-اق پويىز باستىعى از. ر-عا قاتىستى قر اقبك-ءنىڭ 434 بابى (ۇساق بۇزاقىلىق) بويىنشا اكىمشىلىك حاتتاما تولتىرىلدى», دەپ جازىلعان Polisia.kz تاراتقان اقپاراتتا.
2023 جىلعى 17 قاڭتاردا جوعارىدا اتالعان اكىمشىلىك ىستەر تاراز قالاسىنىڭ ارنايى ماماندىرىلعان اكىمشىلىك سوتىنا جولدانادى.
