كوكشەتاۋ قالالىق سوتىنىڭ ۇكىمىمەن اقمولا وبلىسى قۇرىلىس باسقارماسى باسشىسىنىڭ ورىنباسارى م.قانسەيىتوۆ كىنالى دەپ تانىلىپ, ءومىر بويى مەملەكەتتىك قىزمەتتە قىزمەت اتقارۋ قۇقىعىنان شەكتەلىپ, 8 جىلعا باس بوستاندىعىنان ايىرىلدى.
سول ۇكىممەن «ساراپشى ارسەنال» جشس قۇرىلتايشىسى ب. شايمەردەنوۆ پەن «كوكشەستروي تەحنادزور» جشس تەحنيكالىق قاداعالاۋ ينجەنەرى و. رەنن كىنالى دەپ تانىلىپ, سايكەسىنشە 7,5 جانە 7 جىلعا باس بوستاندىعىنان ايىرىلدى. ولارعا مەملەكەتتىك قىزمەتتە 5 جىل مەرزىمگە قىزمەت اتقارۋ قۇقىعىنان ايىرۋ تۇرىندەگى جازا قولدانىلدى.
«تەرگەۋ بارىسىندا سوتتالعانداردىڭ ششۋچينسك قالاسىندا ءجۇز پاتەرلىك تۇرعىن ءۇي سالۋعا بولىنگەن 50,5 ميلليون تەڭگە كولەمىندە قۇرىلىس مونتاجداۋ جۇمىستارى ناقتى ورىندالماعانى ءۇشىن بيۋدجەت قاراجاتىن ۇرلاعانى دالەلدەندى. ۇكىم زاڭدى كۇشىنە ەنگەن جوق», دەلىنگەن ANTIKOR حابارلاماساىندا.
