ءداستۇر بويىنشا بەدەلدى سىنشىلار بىرلەستىگى 2022 جىلعى ۇزدىكتەردى انىقتاۋ ءۇشىن ەلىمىزدىڭ بارلىق تەاترىنا ساۋالداما جولدايدى. ساۋالدامادا ەل تەاترلارىنداعى شىعارماشىلىق ءۇردىس, رەپەرتۋار قۇرۋ ساياساتى, كورەرمەندەردىڭ سپەكتاكلگە كەلۋى, سونىمەن قاتار وسى ءۇردىستى ۋاقتىلى ساراپتامادان وتكىزۋگە بايلانىستى سۇراقتار قامتىلعان. ياعني وسىنىڭ ءبارى دە وتاندىق جانە حالىقارالىق تەاتر قاۋىمداستىقتارى, كاسىبي ماماندار مەن رەسمي مەملەكەتتىك مەكەمەلەر تاراپىنان قىزىعۋشىلىق تۋدىراتىن ماسەلەلەر.
سونىمەن 2022 جىلدىڭ قورىتىندىسى بويىنشا, «استانا بالەت» تەاترى تومەندەگى اتالىمدار بويىنشا سىنشىلار تاعايىنداعان سىيلىقتارمەن ماراپاتتالدى.
«جىلدىڭ ۇزدىك بالەتى» اتاعى – اقىن باقىت قايىربەكوۆتىڭ ليبرەتتوسىنا تەاتردىڭ باس بالەتمەيستەرى مۋكارام اۆاحري قويعان «جىبەك جولى» سپەكتاكلىنە بەرىلدى. قويىلىمنىڭ تابىستى بولۋىنا ارمان امار, رەنات عايسين, ۆلاديمير يۆانوفف جانە ومار فارۋك تەكبيلەك سىندى تانىمال ونەر قايراتكەرلەرى اتسالىسقان. بۇل قوشەمەتكە يە بولۋ ءۇشىن كوستيۋم سۋرەتشىلەرى – اسەل شالاباەۆا مەن دينا بۋكسيكوۆا, ستسەنوگراف – اسقار ىسقاقوۆ, بەينەسۋرەتشى – نۇرلان كەرەي, جارىق سۋرەتشىسى – روبەرت داۋتوۆ تا از ەڭبەك سىڭىرمەگەن.
ال «ۇزدىك بالەت ءارتىسى» جۇلدەسى – «ورفەي مەن ەۆريديكا» سپەكتاكلىندەگى ەۆريديكا ءرولىن سومداعان تەاتردىڭ جەتەكشى ءسوليسى تاتيانا تەنگە بۇيىردى.
الماتى
